×

दुर्घटनास्थल छेउका बासिन्दा भन्छन्- 'पाइलटले बस्ती नजोगाएको भए हाम्रो पनि ज्यान जान्थ्यो' (भिडियो)

माघ १, २०७९

पोखरा महानगर पालिका वडा नम्बर ७ घारीपाटनकी गंगा मरासिनी बराइली घरमा कपडा धोइरहेकी थिइन्, त्यति बेला अचानक उनको घरसँगै टासिएर प्लेन सेती खोलाको खोंचमा झर्‍यो। 

उनका छोराछोरीहरू भने घरमा टीभी हेरिरहेका थिए। त्यही बेला आइतबार बिहान करिब ११ बजेको समयमा यती एयरलाइन्सको विमान अचानक सेती खोंचको भित्तामा ढ्वाङ गरी बजारियो।


Advertisment

७२ जना सवार विमान दुर्घटना भएको स्थानदेखि ७० मिटर दूरीमा मात्र उनको घर छ।


Advertisment

'एकाएक ठूलो आवाजसहित प्लेन ढ्वाङ झर्‍यो। के भयो भयो हेर्न खोजेको, ठूलो आगोको मुस्लो आउन थाल्यो,' उनले लोकान्तरसँग भनिन्, 'बाहिर हेर्दा आगोको मुस्लो देखेपछि म त ठूलो आवाजमा चिच्याउन थालेँ।'

प्लेन उनकै घरछेउमा खसेपछि उनले हत्त न पत्त प्रहरीको १ सय नम्बरमा फोन पनि गरिन् तर फोन भने लागेन।

'मैले सय नम्बरमा फोन पनि गरें तर फोन लाग्दै लागेन,' उनले थपिन्,'पछि ५ देखि १० मिनेटमै प्रहरीहरूको टोली उद्धार गर्न त्यहाँ  आइपुग्यो।'

आफ्नो घरको ५ फिटजति मात्र उचाइबाट प्लेन खसेको उनले सुनाइन्। 'पाइलटले बस्ती जोगाउन नै सेतीको खोँचमा लगेर खसालेको हुनुपर्छ,' उनले भनिन्, 'घटनापछि धेरैले हाम्रो घर र हामी परिवारका सदस्यहरू भाग्यले बाँच्यौं भनेर पनि भनिरहेका छन्।' 

अझ आज चाडपर्व मकर संक्रान्तिको दिन भएकाले उनको नन्द, भान्जाभान्जी पनि आएका थिए। उनका श्रीमान्, छोरा-छोरी, सासु-ससुरा सहित ७ जना आज घरमा थिए।'अलिकति पनि यताउति हुँदो हो त हामी सपरिवारको ज्यान जान सक्थ्यो,' डरमिश्रित भावमा उनले भनिन्।

उनीजस्तै कल्पना सुनार पनि भाग्यले नै बाँचेको बताउँछिन्। उनले आफ्नै घर पछाडिकै बाँसघारीमा जहाज ठोक्किएको बताइन्। 'म घरबाहिर कपडा धुइरहेकै बेला एकाएक मेरो घरकै माथिबाट प्लेन घोप्टो पर्दै आयो,' उनले भनिन्, 'के भयो भन्दै हल्ला के गरेकी थिएँ, मेरै घर पछाडिको बाँस घारीमा प्लेन ढ्वाङ बज्रियो।' ​

एकैछिनमा जताततै आगो, धुँवा भयो। 'के गर्ने नगर्ने सोच्न थालें, फेरि आफ्नै बच्चा कता गए भन्नेतिर ध्यान गयो,' उनले थपिन्,'बच्चालाई थुनेर बाहिर जाने कुरा पनि भएन।' एकदमै डरलाग्दो स्थिति बनेको उनले सम्झिइन्। 'भाग्यले हामी बाँच्यौं, नत्र हाम्रो घरमै प्लेन बज्रिन्थ्यो,' उनले भनिन्,'केही समय त डरले के गर्ने नगर्ने भन्ने अन्योल नै भयो।'

एकैछिनमा पुलिस आएर तत्काल उद्धार गर्ने काममा लागेको उनले बताइन्।

त्यही घरकै छेउकी जमुना बस्नेत पनि भाग्यले नै बाँचेको बताउँछिन्। काँखमा बच्चासहित घरमा बसिरहेकी बेला प्लेन खसेपछि उनी बच्चालाई बोकेरै बाहिर आइन्। 'बाहिर आउँदा बाँसघारीमा आगो लागेको, सेती खोंचको भीरमा आगोको ठूलो मुस्लो देखें,' उनले भनिन्,'डरलाग्दो दृश्य देखेर म त जोर जोरले रुनै लागें।'

घटनास्थल उनीहरूको घरबाट ७० मिटरजति दूरीमा मात्र छ। अलिकति पनि प्लेन पहिले खसेको भए ती घरहरूमा नै जहाज खस्ने अवस्था हुन्थ्यो। त्यसो भएको भए थप मानवीय क्षति हुन सक्थ्यो।

घटनास्थलभन्दा ८ सय मिटरको दूरीमा पोखरा अन्तर्राष्ट्रिय विमानस्थल छ भने ५ सय मिटरको दूरीमा आन्तरिक विमानस्थल छ।

आइतबार भएको उक्त विमान दुर्घटनामा परी ६८ जनाको मृत्यु भइसकेको छ भने ४ जनाको अवस्था अज्ञात छ।

काठमाडौंबाट पोखराका लागि उडेको विमान अवतरण हुनुभन्दा २ मिनेट पहिले दुर्घटनाग्रस्त भएको थियो।

 

असोज ३०, २०८०

ताप्लेजुङस्थित प्रसिद्ध तीर्थस्थल पाथीभरा मन्दिरमा मङ्गलवार एकै दिन दुई हजार बढी तीर्थयात्री पुगेका छन् ।  मुलुकका विभिन्न क्षेत्रबाट देवीको पूजा आराधना तथा मन्दिरको दर्शनका लागि एकै दिनमा दुई हजार पाँच सय...

भदौ ९, २०८०

दोधारा चाँदनी– सुदूरपश्चिमका गाउँ–बस्ती यतिबेला देउडा गीतले गुञ्जायमान छन् । गौरापर्वको अवसरमा देउडा, ढुस्को, धुमारी र ठाडो खेलको रौनक सुदूरका हरेक बस्तीमा छाएको छ । काठमाडौंको टुडिखेलदेखि पश्च...

भदौ ६, २०८०

केउली थारू र सुदन थारू बुटवल उपमहानगरपालिका–१९ का स्थायी बासिन्दा हुन् । दुई थारू परिवार मोतिपुर र मनोहरापुरमा बसोबास गरेको वर्षौं भइसक्यो । केउली र सुदनको परिवार बुटवलका जमिन्दार स्व भरतसिंह मल्लको ...

भदौ ९, २०८०

धरानको भानु चौकमा धेरै चहलपहल हुने गर्छ । कोशी प्रदेशका पहाडी जिल्लामा आउने–जाने सवारीसाधन यही चोकमा भेला हुने गर्छन् । चोकमा एउटा बरको रुखमा चौतारो पनि छ । दिन कटाउनका लागि बूढापाकादेखि युवासम्म य...

चैत ४, २०८०

रुपन्देहीको एक गौतम परिवारले बुहारीलाई छोरीजस्तै अन्माएर पठाएका छन् । गुल्मीको चन्द्रकोट गाउँपालिका–२ शान्तिपुर घर भई हाल रुपन्देहीको सैनामैनामा बस्दै आएका लक्ष्मीधर गौतमले बुहारीलाई दोस्रो विवाह ...

असोज १६, २०८०

मुस्लिम समुदायलाई लक्षित गरी सामाजिक सञ्जाल फेसबूकमा लेखिएको ‘स्टाटस’ले बाँकेको नेपालगञ्जमा सम्भावित धार्मिक द्वन्द्वलाई लिएर चिन्ता बढेको छ । मुस्लिम समुदायलाई गाली गरेर सामाजिक सञ्जालमा लेखिएको उक्...

मुलुक सुशासनतिर अघि बढेको हो ?

मुलुक सुशासनतिर अघि बढेको हो ?

असार ५, २०८१

जबसम्म भ्रष्टाचार, अनियमितता र बेथिति रहन्छ, तबसम्म मुलुक सुशासनतिर जाँदैन । जबसम्म सुशासन कायम हुँदैन, तबसम्म मुलुक समृद्धितिर अघि बढ्दैन । सारमा भन्नु पर्दा समृद्धि पैसा वा धन सम्पत्ति मात्र होइन । समृद्धि जब हु...

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

जेठ ३२, २०८१

कानूनअनुसार असार १ प्रदेश सरकारले आ–आफ्नो सभामा बजेट प्रस्तुत गर्ने दिन हो । नेपालको संविधान र कानूनले बजेट प्रस्तुत गर्ने समय तोकिदिएको छ । यसरी बजेट प्रस्तुत गर्ने दिन नै तोक्नुका २ कारण छन् । पहिलो, तह...

कहाँ हरायो कांग्रेस महासमितिको निर्णय ?

कहाँ हरायो कांग्रेस महासमितिको निर्णय ?

जेठ ३१, २०८१

अढाइ वर्षअघि नेपाली कांग्रेसको १४औं महाधिवेशन नेतृत्व मात्र चयन गरी ६ महिनाभित्र नीति महाधिवेशन आयोजना गर्ने र आवश्यक निर्णय लिने निष्कर्षमा पुगेको थियो । तत्पश्चात् निकै लामो समय पार्टीभित्र र बाहिर नीति महाधिवे...

x