युरोपेली संघले आफ्ना सदस्य राष्ट्रका नागरिकहरूलाई घरमा पाइने क्रिकेट नामक कीरा खान मंगलवारबाट अनुमति दिएको छ । 

यस विषयमा युरोपेली आयोगले जनवरीको आरम्भमा एउटा नियम ल्याएको थियो । 

युरोपेली खाद्य सुरक्षा प्राधिकरणको वैज्ञानिक धारणालाई समेट्दै ईयूले लिएको निर्णयअनुसार, बिस्कुट, पिज्जा, पास्ता लगायतका खाद्यवस्तुमा क्रिकेट कीराबाट बनेको धूलो राख्न पाइन्छ । 

घरमा पाइने क्रिकेट कीरालाई जमाएर धूलो बनाई सीमित मात्रामा खाँदा स्वास्थयलाई हानि गर्दैन । तर कसैलाई कीरा खाँदा एलर्जी हुन सक्ने अधिकारीहरूले चेतावनी दिएका छन् । 

ईयूको नियमअनुसार, क्रिकेट कीरालाई शुरूको २४ घन्टा भोको राख्नुपर्छ जसले गर्दा त्यसको जिउमा भएको आची निस्कन्छ । त्यसपछि कीराहरूलाई फ्रज्मा जमाइन्छ, धोइन्छ, थर्मल प्रोसेसमा लगिन्छ, तेल निकालिन्छ र धूलोपीठो बनाइन्छ । 

यो धूलो राखिएको खानेकुराको प्याकेट वा बोतलमा यसका बारेमा लेखिएको हुनेछ । 

क्रिकेट बाहेक आल्फिटोबियस डायपेरिनस नामक कीरा पनि मानिसले खान मिल्ने भनी युरोपेली आयोगले अनुमति दिएको छ ।