प्रतिनिधि सभामा बधाई सम्बोधन, २१ सदस्यीय मस्यौदा समिति गठन हुने

प्रतिनिधि सभाले मंगलवार नियमावली मस्यौदा समिति गठन गर्ने भएको छ ।

मंगलवार दिउँसो बस्ने प्रतिनिधिसभा बैठकमा २१ सदस्सीय नियमावली मस्यौदा समिति गठन गर्ने कार्यसूची रहेको संसद सचिवालय स्रोतले जानकारी दियो ।

नयाँ नियमावली नबन्दासम्म यसअघिको नियमावलीकै आधारमा प्रतिनिधि सभाको काम कारवाही भइरहेको छ । 

मंगलवारको बैठकमा नवनिर्वाचित सभामुख र उपसभामुखलाई बधाई दिने कार्यक्रम छ । दलका नेताहरूले सम्बोधन गरेर बधाई दिने तयारी छ । सभामुखमा देवराज घिमिरे र उपसभामुखमा इन्दिरा राना विजयी भइसकेका छन् ।

यस्तै मंगलवारको बैठकले सभामुख र उपसभामुखको अनुपस्थितिमा बैठकको अध्यक्षता गर्न थप २ जना मनोनित गर्ने कार्यसूची छ ।