गोस्वामी तुलसीदासको ग्रन्थ रामचरितमानसका विषयमा विभिन्न राजनीतिकर्मीले विवादित बयान दिएपछि मध्य प्रदेशका मुख्यमन्त्री शिवराज सिंह चौहानले राज्यका विद्यालयहरूमा गीता, रामायण र रामचरितमानसको पाठ पढाइने बताएका छन् । 

चौहानले भने, ‘रामायण, महाभारत, वेद, उपनिषद्, श्रीमद्भगवद्गीता हाम्रा अमूल्य ग्रन्थ हुन् । यिनले मानिसहरूलाई नैतिक तथा पूर्ण बनाउने क्षमता राख्छन् । त्यसैले धर्मग्रन्थहरूको शिक्षा आवश्यक छ । हामी सरकारी विद्यालयमा गीताको सार पढाउनेछौं, रामचरितमानस पढाउनेछौं र महाभारतका प्रसंग पनि पढाउनेछौं । भगवान् रामलाई किन नपढ्ने ?’

बालबालिकालाई नैतिकवान बनाउन धर्मग्रन्थहरू पढाउनुपर्ने उनको भनाइ छ । 

बिहारका शिक्षामन्त्री चन्द्र शेखरले रामचरितमानसका विषयमा दिएको विवादित बयानका विषयमा चौहानले भने, ‘महापुरुषहरूको अपमान हामी सहँदैनौं । देशमा केही मानिसलाई संस्कृतिm अध्यात्म, धर्म र महापुरुषको आलोचना गर्दा आनन्द आउँछ । तिनीहरू बेवकूफ हुन् । उनीहरूले देशलाई कति हानि गरिरहेका छन्, उनीहरूलाई नै थाहा छैन ।’
 

MP के स्कूलों में पढ़ाया जाएगा गीता, रामचरितमानस, महाभारत का पाठ

मुख्यमंत्री शिवराज सिंह चौहान ने किया ऐलान@ChouhanShivraj #MadhyaPradesh pic.twitter.com/noEx840D8U

— News24 (@news24tvchannel) January 23, 2023