प्रधानमन्त्री पुष्पकमल दाहाल प्रचण्डले मन्त्रिमण्डलका कुनै पनि सदस्यले संघीयता र लोकतन्त्रविरुद्ध बोल्न नपाउने बताएका छन् । 

मन्त्रिमण्डलभित्रै कुनै सदस्यले संघीयताविरुद्ध बोलेको भन्दै उठेको प्रश्नमा प्रधानमन्त्रीले मन्त्रिमण्डलमा कुनै पनि सदस्यले संघीयता र लोकतन्त्रविरुद्ध बोल्न नपाउने प्रस्ट्याएका हुन् । 

‘मन्त्रिमण्डलको एक जना सदस्यले संघीयताविरुद्ध बोलेको भन्ने कुरा आयो । दलको पनि नेता भएकोले बाहिर गएर बोल्ने एउटा विषय होला तर मन्त्रिमण्डलको सदस्यले भित्रै बसेर संघीयता र लोकतन्त्रविरुद्ध बोल्न पाउँदैन । यो नैतिक र कानुनी रुपमा बोल्न मिल्ने विषय होइन ।’