अमेरिका र इजरायलले सोमवार संयुक्त युद्धाभ्यास शुरू गरेका छन् । 

युक्रेनमा जारी युद्धले अमेरिकाको ध्यान हटाउन सक्दैन भन्ने सन्देश इरानलाई दिनका लागि यो युद्धाभ्यास गरिएको एक वरिष्ठ अमेरिकी रक्षा अधिकारीले बताएका छन् । 

अनि चीनलाई पनि यस अभ्यासमार्फत सन्देश दिने कोशिश गरिएको उनको भनाइ छ । कुनै पनि बेलामा अमेरिकाले विशाल संख्यामा सैन्यबल जहाँ पनि पठाउन सक्ने दिन खोजिएको छ । 

युद्धाभ्यासलाई जुनिपर ओक २३ नाम दिइएको छ । यो इजरायल र अमेरिकाको अहिलेसम्मको सबभन्दा ठूलो युद्धाभ्यास भएको बताइएको छ । 

युद्धाभ्यासमा लडाकू विमानका साथै भारी मात्रामा गोलाबारुद पनि उपयोग गरिएको छ । 

यसमा ६४ सय अमेरिकी सैनिक र ११सय इजरायली सैनिक सहभागी छन् । बी–५२ बमवर्षक विमान सहित १४२ वटा लडाकू विमान पनि यसमा सहभागी छन् । 

अमेरिकी सेनाको सेन्ट्रल कमान्डका कमान्डर जनरल माइकल एरिक कुरिलाले जुनिपर ओक संयुक्त सैन्य अभ्यास आकाश, जमीन र समुद्रका साथै अन्तरिक्षमा पनि साझेदारसँगको सहकारवाहीलाई मजबूत बनाउने बताए । यसले शत्रुहरूलाई जवाफ दिने क्षमता पनि बढाउने उनको भनाइ छ ।