अर्थ मन्त्री विष्णु पौडेलले भन्सार कार्यालयहरूमा अनधिकृत गतिविधि नगर्न निर्देशन दिएका छन्।

आज बिहान भन्सार विभागको कार्यालयमा भन्सारका व्यवसायीहरूसँग छलफल कार्यक्रममा त्यस्ता गतिविधि गर्नेहरूमाथि कडा निगरानी राख्न पनि उपप्रधानमन्त्री समेत रहेका पौडेलले निर्देशन दिएका हुन्।  

राजनीतिक पहुँचका आधारमा भन्सारमा अनधिकृत गतिविधि भएको पाइएको अर्थमन्त्री पौडेलले बताएका थिए।

उक्त छलफलमा भन्सार कार्यालयका कर्मचारीहरूले भन्सारमा कर्मचारीमा छिटोछिटो सरुवा गरिँदा राजस्व संकलनमा कमी आएको भन्दै अन्य अफठ्याराहरू आएका पनि बताएका थिए। यस्तो अवस्था अन्त्य गर्न उनीहरूले माग गरेका छन्।

केही दिनअघि अर्थमन्त्री पौडेलले भन्सार नाकामा कडा निगरानी गर्न निर्देशन दिएका थिए।