सर्लाहीको हरिपूर्वा नगरपालिकामा बिहीबार  कुलोमा डुबेर एक युवकको मृत्यु भएको छ ।​

हरिपूर्वा नगरपालिका–९, बसन्तपुर पछियारी टोल बस्ने १८ वर्षीय ललन राय यादवको बोरिङबाट सिँचाइ गर्न बनाइएको कुलोमा डुबेर मृत्यु भएको हो ।

बिहीबार बिहान घर नजिकैको कुलोभित्र युवकलाई मृत अवस्थामा देखेपछि स्थानीयले प्रहरीमा खबर गरेका थिए ।

घटनास्थलको प्रकृति मुचुल्का गरी मृतकको शव पोष्टमार्टमका लागि प्रादेशिक अस्पताल मलंगवा पठाइएको प्रहरीले जनाएको छ ।

स्थानीयका अनुसार युवकले प्रायः लागूऔषध सेवन गर्ने गर्थे ।