साउदी सुपरकपको सेमीफाइनलमा क्रिस्टियानो रोनाल्डोको अल–नासर क्लब अल–इत्तिहादसँग पराजित भएको छ । 

उक्त खेलअघि रोनाल्डोलाई अल–इत्तिहादका समर्थकहरूले प्रतिस्पर्धी लियोनल मेसीको नाम उच्चारण गरी चिढ्याएका छन् । 

रोनाल्डोले यस खेलमा क्लबका लागि गोल गर्न सकेनन् । अनि गत सप्ताहान्तमा क्लबका लागि आधिकारिक डेब्यु खेलमा पनि उनी गोल गर्न चुकेका थिए । 

उनले नजिकैबाट हेडरमार्फत गोल गर्ने अवसर पाएका थिए तर गोलकीपरले रोकिदिए । 

अल–नासर क्लबका लागि रोनाल्डोले पछिल्ला दुई खेलमा जम्मा एउटा शट अन टार्गेट गराउन सफलता पाएका छन् । 

उनले क्लबका लागि खासै दमदार खेल देखाउन नसकेकाले विपक्षीहरूले मेसीको नाम लिएर उनलाई चिढ्याउने अवसर पाएका हुन् । 
 

🔥 جماهير الاتحاد تردد باسم اللاعب ( ميسي ) لحظة دخول لاعب فريق النصر ( كريستيانو رونالدو )#الاتحاد_النصر pic.twitter.com/WnYSswNClu

— قصي نقادي (@Qusay_itfc) January 26, 2023