कस्तुरीमृगको विनासहित सशस्त्र प्रहरीले एक जनालाई नियन्त्रणमा लिएको छ । महोत्तरीको बर्दिवास नगरपालिका ३ गौरीवास बस्ने ४४ वर्षीय यादवराज घिमिरेलाई प्रहरीले नियन्त्रणमा लिएको हो ।

उनको साथबाट करिव ५ लाख ७८ हजार रुपैयाँ बराबरको विभिन्न प्रकारका चाँदीका गरगहना समेत बरामद भएको प्रहरीले जनाएको छ । भारतबाट अवैध रुपले नेपाल ल्याई चीनतर्फ लैजाने योजनासाथ ती सामग्री ल्याइएको बताइएको छ । 

सशस्त्र प्रहरीले झापाको मेचीनगर नगरपालिका ४ बाहुनडाँगी सडकखण्डबाट उनलाई नियन्त्रणमा लिएको थियो । मे ५ प २२०४ नम्बरको मोटरसाइकलमा भारतबाट नेपालतर्फ आउँदैगरेका घिमिरेलाई सशस्त्र प्रहरी बल नेपाल (बीओपी) बाहुनडाँगीबाट सशस्त्र प्रहरी

निरीक्षक विदुर भट्टराईको टोलीले जाँचगर्दा उनको साथबाट सो सामग्री फेला परेको थियो । बरामद सामग्री आवश्यक अनुसन्धानका लागि राष्ट्रिय विधिविज्ञान प्रयोगशाला खुमलटार

ललितपुर पठाइएको प्रहरीले जनाएको छ । बरामद चाँदी मेची भन्सार कार्यालय काकडभिट्टामा बुझाइएको छ । घिमिरेले प्रयोग गरेको मोटरसाइकल आवश्यक कारवाहीका लागि डिभिजन वन कार्यालय झापामा बुझाइएको प्रहरीको भनाइ छ ।