देशका विभिन्न भागबाट पेय पदार्थ तथा अवैध मदिरा, चोरी पैठारीलगायतमा संलग्नहरूलाई थुनामा राखेर अनुसन्धान गरिएको प्रति नेपाल पेय पदार्थ तथा चुरोट उद्योग संघले आफ्नो ध्यानाकर्षण भएको जनाएको छ।

मदिराजस्तो संवेदनशील वस्तुको उत्पादन गर्दा उत्पादकले सम्बन्धित निकायबाट लाइसेन्स लिई नेपाल सरकारले तोकेको मापदण्डअनुसार ल्याब परीक्षण गरी स्वीकृति प्राप्त गरेर मात्र गर्नुपर्ने एवं बिक्री गर्दा समेत अनुमति पत्र लिएकाले मात्र बिक्री गर्न पाउने कानूनी प्रावधान छ।

अवैध मदिराको उत्पादन एवं बिक्री वितरणबाट सरकारको राजश्वमा असर पर्नुका साथै यस किसिमका अवैध मदिराको आयात, उत्पादन, बिक्री वितरण एवं उपभोगले देशको राजश्व, कानुनबमोजिम स्थापित उद्योगहरूको व्यवसायिक ख्याति, सृजित रोजगारी एवं जनस्वास्थ्यमा समेत गम्भीर असर परेको संघले ठहर गरेको छ। यसप्रति सचेत रहन सम्बन्धित सबैलाई संघले अनुरोध गरेको छ।

साथै यस किसिमका अवैध गुणस्तरहीन र मापदण्डविपरीत उत्पादनले राष्ट्र, समाज, व्यवसाय र व्यक्तिमा पार्ने गम्भीर प्रभाव पारेको भन्दै सचेत रहन संघले अनुरोध पनि गरेको छ।

यस किसिमका कार्य कहीँ कतै भए सरकारलाई सूचना सूचना दिई अवैध कारोबारी रोक्न संघले आग्रह गरेको छ।  

केही दिनयता मदिराजन्य पदार्थमा भइरहेको चोरी तथा गलत तरिकाले मदिराको ब्राण्डिङ भइरहेकाले संघले यस्तो अपिल गरेको हो।