सरकारको नेतृत्व गरेको दल नेकपा (माओवादी केन्द्र) को पदाधिकारी र स्थायी समिति बैठक आज बुधबार दिउँसो बस्दै छ । पार्टी केन्द्रीय कार्यालय पेरिसडाँडामा दिउँसो १२ बजे बस्ने पदाधिकारी बैठकपछि लगत्तै स्थायी समिति बैठक तय भएको महासचिव देवप्रसाद गुरुङले बताए ।

आज बस्ने बैठकमा नेताहरुको जिम्मेवारी बाँडफाँटको टुंगो लगाउने तयारी सो दलले गरेको छ । हिजो मंगलबार बसेको पदाधिकारी बैठकले नेताको जिम्मेवारी बाँडफाँटको जिम्मा अध्यक्ष पुष्पकमल दाहाल प्रचण्ड, उपाध्यक्ष नारायणकाजी श्रेष्ठ र अर्का उपाध्यक्ष कृष्णबहादुर महरालाई जिम्मेवारी दिने निर्णय गरेको थियो । 

महासचिव गुरुङ नेतृत्वको कार्यदलले नेताको कार्यविभाजन गर्ने जिम्मेवारी पाए पनि टुंगो नलाएपछि नेतृत्वलाई जिम्मेवारी दिइएको थियो । कार्यदलले नीतिगत विषय मात्रै राखेर प्रतिवदेन तयार पारेको थियो । आजको बैठकमा पार्टीको संगठनात्मक विषयसँगै समसामयिक राजनीतिक विषयमा समेत छलफल हुनसक्ने महासचिव गुरुङले बताए ।