भारतले आज बजेट सार्वजनिक गर्दै विद्युतीय गाडी सस्तो बनाउने नीति लिएको छ ।

भारतको बजेटले विद्युतीय उपकरण तथा ऊर्जामा आधारित सवारीसाधान सस्तो बनाएको छ ।

भारतले मोबाइल फोनको उत्पादन बढाउनका उपकरण तथा कच्चा पदार्थको आयातमा पनि छुट दिएको छ ।

भारतबाटै नेपालमा नेपालमा आयात हुने विद्युतीय सवारी तथा मोबाइल फोन नेपालमा पनि आयात गर्दा सस्तो हुने अनुमान गरिएको छ ।

भारतले क्यामेराका लेन्स, लिथियम ब्याट्रीलगायत आयातमा छुट दिएको छ । मोबाइलसँग टीभी उत्पादनमा आवश्यक उपकरणको आयातमा पनि भन्सार महसुल छुट दिइएको छ । विद्युतीय सवारी साधनको उत्पादन तथा प्रयोगलाई बढाउन भारत सरकारले पछिल्लो समय छुट दिएर सस्तो गराएको छ ।

भारतले बजेटमार्फत आफ्नो देशमा सस्तो गरेको भए पनि नेपालमा विद्युतीय उपकरणको आयात सस्तो भने नहुन सक्छ । सरकारले आम्दानीको प्रमुख स्रोत नै भन्सार राजस्व छ । भन्सार सस्तो गर्दा सरकारी राजस्व कम हुने भएकाले नेपालले लिने आयात नीतिमा भर पर्ने नेपाल उद्योग वाणिज्य महासंघका उपाध्यक्ष अन्जनकुमार श्रेष्ठले बताए ।

यद्यपि नेपालमा हुने आयातका लागि भारतले लिने निर्यात नीतिमा पनि निर्भर हुने भएकोले भारतीय बजेटले गरेको सहजीकरणको लाभ नेपालमा नपर्ने बुझाइ पनि श्रेष्ठको छ ।