कामना सेवा विकास बैंकका प्रमुख कार्यकारी अधिकृत (सीईओ) प्रवीण बस्नेतलाई प्रहरीले पक्राउ गरेको छ। 

कम धितो राखेर बढी ऋण प्रवाह गरेको आरोपमा उनीसहित चार जनालाई आज प्रहरीले पक्राउ गरेको जनाएको छ। 

पक्राउ पर्नेमा बस्नेतसहित हरेन्द्र दाहाल, वीरेन्द्र सिंह भण्डारी र चन्द्रबहादुर थापा छन् । 

इलाका प्रहरी कार्यालय दमकले यसबारे अनुसन्धान गरिरहेको जिल्ला प्रहरी कार्यालय झापाका प्रमुख एसपी दुर्गाराज रेग्मीले लोकान्तरलाई बताए। 

उनीहरूमाथि बैंकिङ कसुरको मुद्दामा अनुसन्धान हुने उनले बताए। घटनामा संलग्न अन्य केही व्यक्तिहरू भने फरा भएका छन्।