नेपाली चलचित्र ‘छक्का पञ्जा ४’को पहिलो गीत युटयुब ट्रेन्डिङको पहिलो नम्बरमा आएको छ । दीपकराज गिरी र दीपाश्री निरौलाको चलचित्रको ‘दर्शन सलाम’ बोलको गीत सार्वजनिक भएको दुई दिनमै लोभलाग्दो भ्युजका साथ ट्रेन्डिङ वानमा आउन सफल भएको हो । 

गीतको भिडियोले बिहीवार बिहानसम्म १२ लाख ५० हजार प्लस भ्युज पाइसकेको छ ।

डेभिड शंकर र सहिमा श्रेष्ठले स्वर दिएको यो गीतमा राजेन्द्र थापाको शब्द, दीपक शर्माको संगीत र उदयराज पौडेलको एरेन्ज छ ।

कविराज गहतराजको कोरियोग्राफीमा तयार भिडियोमा स्वस्तिमा खड्काका साथमा चलचित्रका मुख्य कलाकारहरु दीपकराज गिरी, दीपाश्री निरौला, राज आचार्य, केदार प्रसाद घिमिरे, बुद्धि तामाङ, निर्मल शर्मा लगायतलाई समेत प्रस्तुत गरिएको छ । 

हेमराज बिसीको निर्देशन रहेको चलचित्र ‘छक्का पञ्जा ४’ फागुनको १९ गतेबाट प्रदर्शनमा आउँदैछ ।

दीपकराजकै कथा एवं लेखन रहेको चलचित्रमा केदार घिमिरे र निर्मल शर्मा कार्यकारी निर्माताका रुपमा समेत छन् । दिपेन्द्र खनिया र केशव न्यौपाने चलचित्रका निर्माता हुन् ।

आमा सरस्वती मुभिज र आइएमईको प्रस्तुति रहेको चलचित्रमा नरेन्द्र मैनालीको डिओपी, निमेश श्रेष्ठको सम्पादन छ ।