दीपकराज गिरी र दीपाश्री निरौलाको चलचित्र ‘छक्का पञ्जा ४’को पहिलो गीत यतिबेला युट्युब ट्रेन्डिङको पहिलो नम्बरमा छ । 

यहीबेला निगम श्रेष्ठ निर्देशित एवं अभिनेता अनमोल केसी अभिनित चलचित्र ‘छड्के २’को टिजर युट्युब ट्रेन्डिङको तेस्रो नम्बरमा छ । यसअघि ‘छक्का पञ्जा ४’को गीत ट्रेन्डिङको चौथो नम्बरमा हुँदा ‘छड्के २’को टिजर दोस्रो नम्बरमा थियो ।

‘छक्का पञ्जा ४’को गीतले गीतले ३ दिनमै १२ लाख ८० हजार प्लस भ्युज पाएको छ । 

‘छड्के २’ को टिजरले ६ दिनमा १७ लाख ७० हजार प्लस भ्युज पाएको छ । 

यी चलचित्र फागुन १९ गते एकैदिनबाट प्रदर्शनमा आउँदैछन् । त्यसैले उक्त मितिलाई ‘हेभिवेट भिडन्त’का रुपमा चलचित्र क्षेत्रले निकै चासोका रुपमा हेरेको छ । हुन् पनि, नेपाली चलचित्रमा यसवर्षको सबैभन्दा ठूलो प्रतिस्पर्धा उक्त मितिमा हुँदैछ । 

निर्माण घोषणादेखि नै चर्चामा रहेका यी चलचित्रले यतिबेला प्रचार सामाग्रीबाट दर्शकको मन जितिरहेका छन् । 

प्रचार सामाग्रीले पाएको भ्युज र प्रतिक्रियाबाट पनि चलचित्रले दर्शकमाझ राम्रो हाइप बनाइरहेको सहजै बुझ्न सकिन्छ ।