सर्लाहीको मलंगवा नगरपालिका-४ मा स्कुल बसले ठक्कर दिँदा एक जनाको मृत्यु भएको छ। 

ना१क ४९५१ नम्बरको स्कुल बसले भारतीय नम्बर प्लेटको बीआर ०६ पीबी ३५१३ नम्बरको मोटरसाइकललाई शनिबार बिहान ठक्कर दिएको थियो। 

दुर्घटनामा मोटरसाइकल चालक सर्लाहीकै कविलासी नगरपालिका-९ बस्ने १८ वर्षीय दीपेन्द्र महतोको मृत्यु भएको हो ।

दुर्घटनामा गम्भीर घाइते भएका उनलाई प्रादेशिक अस्पताल मलंगवामा लगिए पनि उपचार क्रममा मृत्यु भएको  हो ।

दुर्घटनामा घाइते भएका मोटरसाइकलमा सवार २ जनाको सोही अस्पतालमा उपचार भइरहेको छ ।

बस र चालकलाई प्रहरीले नियन्त्रणमा लिएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको जनाएको छ।