धनुषामा एक मिटरब्याजी हतियारसहित पक्राउ परेका छन्।  

उनलाई उजुरीका आधारमा समातिएको धनुषा प्रहरीले जनाएको छ। 

प्रहरी नायब उपरीक्षक दीपक कुमार रायको कमाण्डमा खटिएको प्रहरी टोलीले खानतलासीका क्रममा उनलाई पक्राउ गरेको हो। 

पक्राउ परेका व्यक्तिबाट एक थाना कटुवा पेस्तोल र थ्रीनथ्री राइफलमा लाग्ने ४ थान गोलीसहित कपाली तमसुक, जग्गा धनीपुर्जा, खाली चेकलगायत प्रहरीले फेला पारेको छ। 

उनलाई हिरासतमा राखी थप अनुसन्धान भइरहेको प्रहरीले जनाएको छ।