मंसिर १९, २०८०
कुनै राजनीतिक संक्रमण वा अवरोध नभएको समयमा मन्त्रीहरूबीच कसले राम्रो काम गर्ने भनेर प्रतिस्पर्धा हुनुपर्ने हो । तर, विडम्बना ! सहज राजनीतिक अवस्थामा पनि झन्डै एक वर्षसम्म सरकारमा रहेका अधिकांश मन्त्रीको कार्यप्रगति ...
५ वर्षका लागि सरकार चुनिँदाको उत्साह सामान्यतयाः सत्तापक्षलाई हुनुपर्ने हो । अहिले सत्तारुढमध्येको सबैभन्दा ठूलो दल एमालेमा त्यस्तो उत्साह छैन ।
अनेक आशंका छ, तर विपक्षी दल भएर पनि कांग्रेसका नेताहरू उत्साही देखिन्छन् । २५ फागुनमा हुने राष्ट्रपति चुनावलाई लिएर कांग्रेस नेतामा उत्साह देखिन्छ ।
पुस १० मा सत्ताबाट विमुख भएदेखि नै कांग्रेस सभापति शेरबहादुर देउवाले भन्दै आएका छन् ‘वी विल कमब्याक’ । शुरूमा देउवाले यस्तो बोल्दा धेरैले पत्याएका थिएनन् । तर २६ पुसमा जब कांग्रेसले प्रधानमन्त्री पुष्कमल दाहाल 'प्रचण्ड'लाई विश्वासको मत दियो, त्यसयता कांग्रेस नेतामा उत्साह बढेको देखिएको छ ।
यस्तो उत्साह व्यक्त गर्नेमा प्रभावशाली र सिनियर नेता नै छन् । नेता रामचन्द्र पौडेल, डा. शेखर कोइराला, महामन्त्री गगन थापा र विश्वप्रकाश शर्मा तथा नेताहरू डा. प्रकाशशरण महत, प्रकाशमान सिंहसहितका धेरै उत्साहित देखिएका छन् । राष्ट्रपति सत्ता गठबन्धनको भागबण्डामा एमालेमा परेको छ । तर विपक्षमा भए पनि राष्ट्रपति आफूहरूले नै जित्ने दाबी कांग्रेसका यी नेताहरूले निरन्तर गर्दै आएका छन् ।
पछिल्ला पार्टी कार्यक्रममा प्रचण्डले राष्ट्रिय सहमतिमा राष्ट्रपति चयन गर्नुपर्ने विषयलाई प्राथमिकतामा राख्ने गरेका छन् । आफूलाई शतप्रतिशत जस्तो मत आएको भन्दै प्रचण्डले राष्ट्रपतिमा राष्ट्रिय सहमति कायम गर्नुपर्ने अवस्थामा पुगेको भनेर एमालेले अघि सार्ने उम्मेदवारमा सहमति नहुने छनक प्रचण्डले दिँदै आएका छन् ।
आशंककाबीच प्रचण्ड र ओलीबीच बाक्लो भेटघाट भइरहेको छ । तर प्रचण्डले देउवालाई भेटेका छन् । आफू निकटका नेतालाई कांग्रेससँग वार्ता गर्न खटाएका छन् । यसले समेत सत्ता गठबन्धनमा खटपट र प्रतिपक्षमा रहेको कांग्रेस प्रचण्डसँग नजिकिएको हो कि भन्ने सन्देश दिन्छ ।
राजनीतिक विश्लेषक झलक सुवेदी १० पुसमा गठबन्धन बनेदेखि नै एमाले र माओवादीबीच देखिएको आशंकाले कांग्रेसमा उत्साह थपिएको बताउँछन् ।
‘गठबन्धनको नेतृत्व प्रधानमन्त्रीले गर्नुपर्ने हो तर शुरूबाटै प्रधानमन्त्री प्रचण्ड र गठबन्धनको नेतृत्व केपी ओलीले गर्नुभयो । मन्त्री बाँँटफाँटमा ओली हावी भए । यस्तो हुँदा प्रचण्डले कांग्रेससँग विश्वासको मत माग्ने अवस्था बन्यो,’ सुवेदी भन्छन्, ‘प्रधानमन्त्रीले २५ पुसमा मागेर २६ पुसमा विश्वासको मत पाए तर यसका लागि होमवर्क १० पुसलगत्तैदेखि भएको देखिन्छ । देउवाले १० गते गल्ती महसूस गर्ने र प्रधानमन्त्री भएपछि ओलीले काम गर्न दिँदैनन् भन्ने प्रचण्डको बुझाइपछि कांग्रेस र माओवादीनजिक जस्तो देखिँदा कांग्रेस नेताहरूमा उत्साह आएको हो ।’
कांग्रेसले विश्वासको मत दिएपछि ‘राष्ट्रपति एमालेले भनेको जस्तो नहुने’ बुझेर कांग्रेसमा उत्साह आएको हुन सक्ने सुवेदी बताउँछन् ।
‘कांग्रेसले विश्वासको मत पनि दिने र माओवादीका नेताले निरन्तर राष्ट्रिय सहमति भनिरहेको सन्दर्भमा एमालेले भनेको जस्तो आफ्नै नेता राष्ट्रपति नहुने भएपछि कांग्रेस नेतामा उत्साह बढेको हुनुपर्छ,’ सुवेदी भन्छन्, ‘तर एमालेको राष्ट्रपति नहुनु भनेको कांग्रेसको हुनु होइन । तैपनि एमालेको नहुनुलाई कांग्रेसले उपलब्धि मानेको हुन सक्छ ।’
यी सबै परिस्थितिले डेढ महिनामा सत्ता गठबन्धनमा समस्या देखिएको सुवेदी बताउँछन् ।
‘राजनीतिक हिसाबमा मनोवैज्ञानिक रूपमा कार्यकर्तामाथि विश्वास बढाउन र विपक्षीमाथि दबाब बढाउन नेताहरूले उत्साहपूर्ण भाषण गर्ने गर्छन्,’ सुवेदी भन्छन्, ‘साथै डेढ महिनामात्रै अघि बनेको गठबन्धनमा समस्या सिर्जना भइरहेकाले कांग्रेसका नेताहरूले रणनीतिक रूपमा उत्साह जगाउने गरी बोल्न पाएका हुन् । तर अहिलेको अवस्थामा न गठबन्धन खुशी छ न अर्को पक्षले उत्साह देखाउन सक्ने स्थिति छ ।’
गठबन्धनको तनाव
नयाँ गठबन्धन बनेदेखिकै तनावपछि प्रधानमन्त्री प्रचण्ड र ओलीले दुईदर्जन बढीपटक भेटघाट गरिसकेका छन् । मन्त्री चयन, सरकारको न्यूनतम् साझा कार्यक्रम, राजनीतिक संयन्त्रको बैठकसहितका विषयको मतभेदले उनीहरूको भेट बाक्लो देखिन्छ । झण्डै ५० दिनमा प्रचण्ड र ओलीले २५ दिन भेटघाट गर्नुलाई सुवेदी ‘बहस घनिभूत तर निकासको वातावरण नभएको’ रूपमा व्याख्या गर्छन् ।
यहीबीचमा नागरिकता विवादमा रवि लामिछानेको सांसद र गृहमन्त्री पद खारेज हुनपुग्यो । जसले सत्ता गठबन्धनमा तनावको स्थिति सिर्जना गरेको छ । यही प्रकरणपछि पुनः गृहमन्त्रालय नपाएपछि राष्ट्रिय स्वतन्त्र पार्टी सरकारबाट बाहिरियो ।
यसले समेत गठबन्धनमा झमेला थप्दा कांग्रेसहितका विपक्षीलाई उत्साहित हुने बहाना मिलेको छ । एमाले अध्यक्ष ओलीले पुनः रास्वपालाई गृह दिलाउन आग्रह गरे पनि प्रधानमन्त्रीले बेवास्ता गर्दै आएका छन् । यसले एमाले र रास्वपा एक ठाउँमा देखिन्छन् । संघीयता र गणतन्त्रबारे राप्रपाका मन्त्रीले गरेको विवादित टिप्पणीपछि प्रधानमन्त्री असन्तुष्ट छन् ।
साथै उपेन्द्र यादवको जसपा, सिके राउतको जनमत र नागरिक उन्मुक्ति पार्टीको सरकारसँग बढेको असन्तुष्टिमा पनि कांग्रेसले फाइदा देखेको छ । यस्तो हुँदा गठबन्धनमा समस्या आउने र विकल्पमा आफूहरूले प्रचण्डलाई साथ दिएर सत्ता गठबन्धन नै टुटाउने पक्षमा कांग्रेस छ । केन्द्रीय गठबन्धन टुटेपछि प्रदेश सरकारमा पनि आफ्नो प्रवेश हुने बुझाइ कांग्रेसको छ । कांग्रेस ७ मध्ये ४ वटा प्रदेशमा पहिलो र ३ प्रदेशमा दोस्रो दल भएको छ ।
कांग्रेस महामन्त्री विश्वप्रकाश शर्मा पहिलो संविधानसभा निर्वाचनपछि कांग्रेस प्रतिपक्षीमा भए पनि राष्ट्रपति जितेकाले यसपटक पनि त्यही क्रम दोहोरिने दाबी गर्छन् ।
‘कांग्रेस अहिले सबैभन्दा ठूलो दल हो । यो राष्ट्रपतिका लागि सबैभन्दा ठूलो आधार हो । प्रचण्डजी नै प्रधानमन्त्री हुँदा पहिलोपटक हामी प्रतिपक्षीमा भए पनि राष्ट्रपति जित्न सक्षम भयौं,’ शर्माले लोकान्तरसँग भने, ‘हिजो दोस्रो दलका रूपमा प्रतिपक्षमा हुँदा जित्यौं । आज पहिलो दल भएकाले राष्ट्रपति हामीले नै जित्छौं । परिस्थिति पनि त्यस्तै बनिरहेको छ । कांग्रेसको संलग्नता, सहभागिता र नेतृत्वमा राष्ट्रपति चयन हुनेछ ।’
प्रधानमन्त्री प्रचण्ड नै ओलीको पिंजडाबाट निस्कने प्रयत्नमा रहेकाले कांग्रेस उत्साहित हुनु स्वाभाविक भएको उनको भनाइ छ । कांग्रेस सभापति देउवा निकटका नेता डा. प्रकाशशरण महत कांग्रेस राष्ट्रपति चुनावमा मात्रै होइन ढिलोचाँडो सत्तामा पुग्नेमा आशावादी छन् ।
‘नेपालको राजनीतिको विडम्बना नै भन्नुपर्छ ठूलो पार्टी भएर पनि नेपाली कांग्रेस सत्तामा छैन,’ उनी भन्छन्, ‘हामी सत्ताभन्दा बाहिर छौं । नेपालको विकास गर्ने पार्टी कांग्रेस हो । ढिलोचाँडो हामी सत्तामा आउनेछौं । सत्ताको नेतृत्व गर्नेछौं ।’
कांग्रेसका अर्का महामन्त्री गगन थापाले त मिति नै तोकेर फागुन १ भित्र अहिलेको सत्ता गठबन्धन भत्काउने दाबी गरेका छन् । राष्ट्रपति चुनावका लागि उम्मेदवार मनोनयन फागुन १३ गतेका लागि तोकिएको छ ।
सुदूरपश्चिम सरकार गिर्नु ‘टर्निङ प्वाइन्ट’
अघिल्लोपटक माओवादीले ५ नै वर्ष चलाएको सुदूरपश्चिम सरकार यसपटक विश्वासको मत नपाएपछि एक महिनामै ढल्यो । एमालेका मुख्यमन्त्रीले विश्वासको मत पाउने गरी वातावरण बनाउन प्रधानमन्त्री प्रचण्डले आवश्यक सक्रियता नदेखाएको एमालेका कतिपय नेताको आरोप छ । यसले पनि सत्ता गठबन्धन सकसमा रहेको देखाउँछ ।
नागरिक उन्मुक्ति पार्टीले आफ्ना नेता रेशम चौधरीलाई जेलबाट छुटाउन राखेको शर्त नमान्दा सुदूरपश्चिम सरकार एक महिनामा ढलेको छ । तर पनि विपक्षीमा यसले बहाना र उत्साहको सञ्चार गराएको छ ।
नेकपा एकीकृत समाजवादीका अध्यक्ष माधव नेपालले केही दिनअघि यस्तै उत्साहपूर्ण भाषण गरेका थिए । जनसांस्कृतिक महासंघको कार्यक्रमलाई सम्बोधन गर्दै नेपालले सुदूरपश्चिम प्रदेशमा एमाले सरकारले विश्वासको मत नपाएपछि सार्वजनिक कार्यक्रममा उत्साहपूर्ण भाषण गरेका थिए ।
‘नेकपा एस कहाँ छ ? यसको काम छैन भनेर एमालेका नेताले भन्थे, तर सुदूरपश्चिममा नयाँ सरकार बन्यो, नयाँ सरकारमा कांग्रेस र नेकपा एकीकृत समाजवादी छन्,’ जनसांस्कृतिक महासंघले गरेको कार्यक्रममा उनले शनिबार उत्साहित हुँदै भने, ‘हामीसँग मान्छेहरू खुशी नभएका होइनन्, हामीले त देखायौं । सुदूरपश्चिमबाट उदायौं । यो एमालेलाई पहिलो धक्का हो । यो शुरूआत मात्रै हो । यसो हुनाले हौसला बुलन्द गरौं कमरेडहरू ।’
के भन्छ एमाले ?
एमाले नेता प्रदीप ज्ञवाली आफ्नो दलको समर्थनमा प्रधानमन्त्री बन्ने र कांग्रेसलाई जिताउने बाटोमा माओवादी हिँड्ने अपेक्षा नै नगरेको बताउँछन् ।
‘प्रचण्ड एमालेको समर्थनमा प्रधानमन्त्री बन्नुभएको हो । तर उहाँले कांग्रेसलाई भोट दिएर राष्ट्रपति जिताउनुहुन्छ भन्नेमा हामी विश्वास नै गर्दैनौं,’ ज्ञवाली भन्छन्, ‘यसैले कांग्रेस उत्साही हुनुपर्ने कारण छैन । अन्ततः राष्ट्रपतिमा सत्ता गठबन्धनमा एमालेले अघि सार्ने उम्मेदवार विजयी हुने वातावरण बन्छ ।’
कुनै राजनीतिक संक्रमण वा अवरोध नभएको समयमा मन्त्रीहरूबीच कसले राम्रो काम गर्ने भनेर प्रतिस्पर्धा हुनुपर्ने हो । तर, विडम्बना ! सहज राजनीतिक अवस्थामा पनि झन्डै एक वर्षसम्म सरकारमा रहेका अधिकांश मन्त्रीको कार्यप्रगति ...
आफ्नो तेस्रो कार्यकालको दोस्रो वर्षलाई प्रभावकारी बनाउने भनी दाबी गरेका प्रधानमन्त्री पुष्पकमल दाहाल ‘प्रचण्ड’ले कांग्रेस महामन्त्री गगन थापालगायत केही नेतासँग नियमित सल्लाह सुझाव लिन थालेका छन् । रा...
सरकारमा सहभागी मन्त्रीको कार्यक्षमतालाई लिएर प्रश्न उठेपछि अहिले सरकारमा रहेका मन्त्रीलाई फिर्ता बोलाएर मन्त्रिमण्डल पुनर्गठन गर्न सत्तारुढ दलहरूभित्र दबाब बढ्न थालेको छ । अपवादबाहेक सरकारमा सहभागी मन्त्रीले जनअपे...
सत्ता र शक्तिको आडमा गैरकानूनी ढंगले सरकारी जग्गा हडप्ने नेपालको शक्तिशाली व्यापारिक घराना चौधरी ग्रुपमाथि राज्यको निकायले पहिलोपटक छानबिन थालेको छ । काठमाडौंको बाँसबारीमा ठूलो परिमाणमा सरकारी जग्गा...
एकाधबाहेक अधिकांश मन्त्रीले प्रभावकारी कार्यसम्पादन गर्न नसकेपछि प्रधानमन्त्री पुष्पकमल दाहाल ‘प्रचण्ड’ स्वयंले मन्त्रीहरूलाई प्रस्ट चेतावनी दिएका छन् । नेपालीलाई नक्कली भुटानी शरणार्थी बनाएर अमेरिका ला...
चरम आर्थिक संकटबाट गुज्रिएको श्रीलंकाले सन् २०२२ को अन्त्यतिर औषधि किन्ने क्षमता पनि गुमाएको थियो । ५० अर्ब डलरभन्दा बढीको विदेशी ऋण 'डिफल्ट' भएको थियो भने लाखौंले रोजगारी गुमाएका थिए । दशौं लाख मान्छे...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...