आईसीसी विश्व क्रिकेट लीग टुअन्तर्गत स्कटल्यान्डविरुद्धको खेलमा नेपालले २७५ रनको लक्ष्य पाएको छ। 

त्रिवि क्रिकेट मैदानमा टस हारेर ब्याटिङमा उत्रिएको स्कटल्याण्डले पूरा ओभरमा ९ विकेट गुमाउँदै विशाल २७४ रन बनाउन सफल भयो। 

माइकल लिस्कले अविजित रहँदै ८५ बलमा १०७ रनको शतकीय पारी खेले। 

नेपालका सन्दीप लामिछानेले जम्मा २७ रन खर्चिएर सर्वाधिक ३ विकेट लिए भने कुशल मल्लले २ विकेट लिए। 

त्यस्तै दीपेन्द्रसिंह ऐरीले १, सोमपाल कामीले १ र कुशल भुर्तेलले १ विकेट लिए। 

ललित राजवंशीको स्थान परिवर्तन गरेर गुलशान झालाई आज खेलाइएको थियो। २ ओभर बलिङ गरेका उनले २१ रन खर्चिए पनि विकेट भने लिन सकेनन्। त्यस्तै १ मेडन राखेका करन केसी भने आज महँगा सावित भए। ९ ओभर गरेका उनले ६८ रन खर्चिए। 

त्यस्तै ६ ओभर गरेका कुशल भुर्तेलले भने २२ रन खर्चिएर १ विकेट लिन सफल भए।