×

कला राजनीति

लोकदोहोरी कलाकारमा चुनावी सरगर्मी, दोहोरी गीत प्रतिष्ठानको अबको अध्यक्ष को ?

विष्णु खत्रीलाई प्रश्न : यसपटक पनि अध्यक्षमा उम्मेदवारी दिनुहुन्छ ?

फागुन ६, २०७९

प्रायःजसो गीत लेखन, संगीत सिर्जना, गायन, मोडलिङ एवं भिडियो निर्माणमा व्यस्त भइरहने लोकदोहोरी क्षेत्रका कलाकारहरू यतिबेला चुनावी माहोलमा छन् ।
 
लोकदोहोरी गीतसँग सम्बन्धित कलाकारको पेशागत संस्था ‘राष्ट्रिय लोक तथा दोहोरी गीत प्रतिष्ठान’को ८औं केन्द्रीय महाधिवेशन फागुनको १२–१४ गतेसम्म धादिङ जिल्लामा हुँदैछ । 

महाधिवेशनले आगामी ३ वर्षका लागि प्रतिष्ठानको नयाँ कार्यसमिति चुन्नेछ । 


Advertisment

महाधिवेशनको मिति आउन केही दिन मात्र बाँकी रहँदा लोकदोहोरी कलाकारमा चुनावी माहोल तातिँदै गएको छ । अहिले लोकदोहोरी गीत रेकर्ड हुने स्टुडियोदेखि लोकदोहोरी कलाकार बीचको जमघटमा कुराकानीको विषय नै चुनाव केन्द्रित हुने गरेको छ । कलाकारहरू आफू कुन पदमा आउँदा सुरक्षित भइन्छ, त्यसतर्फ सोचिरहेका छन् ।
 
महाधिवेशलाई सभ्य र भव्य रूपमा सम्पन्न गर्न प्रतिष्ठानले कार्यविभाजन गरेर तयारी तीव्र रूपमा गरिरहेको अध्यक्ष रमेश बिजीले बताए । 


Advertisment

उनका अनुसार धादिङवेशीमा हुने महाधिवेशमा प्रतिष्ठानका ७७ वटा विभिन्न शाखाबाट लोकदोहोरी कलाकारहरू उपस्थित हुनेछन् । भव्य सांगीतिक माहोलबीच सयौं कलाकारको उपस्थितिमा महाधिवेशन हुनेछ ।

झण्डै १ हजार २०० महाधिवेशन प्रतिनिधिले विभिन्न पदका लागि मतदान गर्नेछन् ।

अबको अध्यक्ष, उपाध्यक्ष को ?

प्रतिष्ठानमा गीतकार रमेश बिजी वर्तमान अध्यक्ष छन् । उनी आफ्नो कार्यकाल दोहोर्‍याउने मनस्थितिमा छैनन् । अग्रज लोकगायक दुर्गा रायमाझी २ कार्यकाल अध्यक्ष भए पनि अरु दोहोर्‍याएर प्रतिष्ठानको अध्यक्ष बनेका छैनन् । 

प्रतिष्ठानले विगतदेखि संस्थाको वरिष्ठ उपाध्यक्ष भइसकेको व्यक्तिलाई अध्यक्षको रूपमा उभ्याउँदै आएको छ । 

त्यसअनुसार प्रतिष्ठानको अबको अध्यक्षको लाइनमा गायिका रिता थापा मगर छिन् । हाल वरिष्ठ उपाध्यक्ष रहेकी उनलाई संस्थागत रूपमा समर्थन रहनेछ । 

प्रतिष्ठानमा अहिलेसम्म महिला अध्यक्ष नबनेको अवस्थामा अरु कोहीले उम्मेदवारी नदिए उनी पहिलो महिला अध्यक्ष बन्नेछिन् ।

यद्यपि लोक गायक विष्णु खत्री अध्यक्ष पदमा यसअघि लगातार ३ पटक उम्मेदवारी दिएर पराजित भएका छन् । लोकगायक बद्री पंगेनी, चन्द्र शर्मा र गीतकार रमेश बिजीसँग उनी पराजित भएका थिए ।

अहिलेका अध्यक्ष बिजीसँग झिनो मतले पराजित भएका गायक खत्रीको उम्मेदवारी यसपटक पनि आउने हो वा होइन ? लोकदोहोरी वृत्तमा यतिबेला मुख्य चासो र चर्चाको विषय बनेको छ । 

‘अहिले फेरि उहाँले उम्मेदवारी दिनुभयो भने २ जनाको प्रतिस्पर्धा होला । नत्र अरुको उम्मेदवारी आउने देखिँदैन,’ प्रतिष्ठान स्रोत भन्छ । 

महाधिवेशनको मिति नजिकिँदै जाँदा कतिपयले संस्थामा जिम्मेवारीपूर्वक काम गर्दै आएको र अहिलेसम्म महिला अध्यक्ष नभएकाले यसपटक गायिका रितालाई निर्विरोध अध्यक्ष बनाउनुपर्ने बताएका छन् । कतिपयले यसपटक विष्णु खत्रीलाई निर्विरोध अध्यक्ष बनाउनुपर्ने आवाज समेत उठाइरहेका छन् ।

गायक विष्णु खत्रीले यसपटक आफू उम्मेदवार हुने सम्भावना एकदमै कम रहेको लोकान्तरसँग बताएका छन् । यसपटक आफूले उम्मेदवारी दिने मनस्थिति नबनाए पनि केही निर्णय भने लिइनसकेको उनको भनाई छ । 

‘यसपटक नजाऔं कि भन्ने मनस्थितिमा छु । यद्यपि निर्णय लिइसकेको छैन,’ उनले भने, ‘हामी लोकगीतसँग सम्बन्धित अर्को संस्था खोल्ने कि भनेर त्यसमा पनि छलफल गरिरहेका छौं ।’

रोलक्रम अनुसार दोहोरीगीत प्रतिष्ठानको अबको वरिष्ठ उपाध्यक्षमा लोक गायक पशुपति शर्मा आकांक्षी छन् । उनी अहिले प्रथम उपाध्यक्ष छन् । अबको प्रथम उपाध्यक्षमा भने गायक रामजी खाँण आकांक्षी छन् । उनी हाल द्वितीय उपाध्यक्ष छन् ।

द्वितीय उपाध्यक्षमा दिपक खड्काको नाम चर्चामा छ । उनी हाल तृतीय उपाध्यक्ष छन् ।

महिला उपाध्यक्षमा गायिका राधिका हमालले कार्यकाल दोहोर्‍याउने सोच बनाएकी छन् ।

अहिले महासचिव रहेका सुवास कुनै एक उपाध्यक्ष पदमा आउने चर्चा छ । महासचिवमा गीतकार एवं गायक शिव हमाल आकांक्षी छन् । उनी अहिले २ पद रहेको उपमहासचिवमा छन् । 

अर्का वर्तमान उपमहासचिव मोडल शंकर बिसी र अहिले सचिव रहेका गायक कुलेन्द्र विश्वकर्माले तृतीय उपाध्यक्षमा आउने चाहना व्यक्त गरेका छन् ।

कोषाध्यक्षमा गायक राजु ढकालले कार्यकाल दोहोर्‍याउने सोच बनाएको चर्चा छ । रोचक प्रतिस्पर्धा भने सचिव पदमा हुने देखिन्छ । किनकि प्रतिष्ठानमा १० जना सचिव रहने गरेका छन् ।

२ पद रहेको सहकोषाध्यक्षमा अहिलेसम्म कसैको चर्चा सुनिएको छैन । अहिले सचिवमा रहेका कलाकारहरू माथिल्लो पदमा जाने र ती पदमा रोचक प्रतिस्पर्धा हुने सम्भावना उच्च रहेको प्रतिष्ठानका पदाधिकारीहरू बताउँछन् । 

गायक खुमन अधिकारी, कृष्ण रेउले, जीवन दाहाल, रमेशराज भट्टराई, कुलेन्द्र विश्वकर्मा, हरि डाँगी, प्रचण्ड जिसी, वसन्त थापा, पुष्कल शर्मा र जमुना राना मगर अहिले प्रतिष्ठानको सचिव पदमा छन् ।

‘अहिले सचिव रहनुभएकाहरू अब जाने भनेको कोषाध्यक्ष, उपमहासचिव, महासचिव, उपाध्यक्षमा हो । त्यसकारण ती पदमा प्रतिस्पर्धा पनि हुनसक्छ,’ प्रतिष्ठानका एक पदाधिकारीले भने, ‘अहिले सदस्य रहनुभएकाहरूमध्ये केहीले सचिवमा आउने सोच बनाउनुभएको छ । धेरै संख्या भएका कारण सचिव पदमा मतदान हुने सम्भावना प्रबल नै रहन्छ । सदस्यका लागि त मतदान हुन्छ नै ।’

लोकगायक प्रकाश सपूतदेखि गायिका देवी घर्ती, सुनिता दुलाल, मोडल अञ्जली अधिकारीसम्म अहिले कार्यसमिति सदस्य पदमा छन् । 

अघिल्लो महाधिवेशनमा केही पदमा कलाकारहरू निर्विरोध निर्वाचित भएका थिए भने यसपटक पनि केही पदमा कलाकारहरू निर्विरोध हुने सम्भावना देखिएको छ । विभिन्न पदमा विभिन्न कलाकारहरूको नाम चर्चामा रहँदै गर्दा सार्वजनिक रूपमा कसैले उम्मेदवारी घोषणा गरिसकेका छैनन् ।

कात्तिक १९, २०८०

साङ्गीतिक क्षेत्रमा छोटो समयमै नाम र दाम दुवै कमाएकी गायिकामा पर्छिन् रचना रिमाल । करिअर सुरु गरेको ३ वर्षको अवधिमै उनले १२ सय हाराहारी गीतमा स्वर दिइसकेकी छन् ।  थुप्रै देशमा पुगेर आफ्नो स्वर गुञ्जाइस...

मंसिर ९, २०८०

बलिउडमा कलाकारको पारिश्रमिकलाई लिएर निकै चर्चा हुन्छ । विशेषगरी चलचित्रका स्टारहरूको पारिश्रमिकबारे सञ्चारमाध्यममा प्रशस्त समाचार बन्छन् ।  नेपालमा पनि बेलाबेलामा चलचित्रका स्टार कलाकारहरूको पारिश्रम...

फागुन ८, २०८०

लोक गायक अर्जुन सापकोटाका अफिसियल प्रायः गीतले स्रोता–दर्शकको माया पाउने गरेका छन् ।  उनले तीन साताअघि शान्तिश्री परियारसँगको स्वरमा सार्वजनिक गरेको ‘न सोध पिर के को ?’ले युट्युबमा ...

मंसिर १४, २०८०

हाँस्य कलाकार सिताराम कट्टेल र कुञ्जना घिमिरेले वैवाहिक वर्षगाँठको अवसर पारेर ‘भगवान कसम’ बोलको गीत सार्वजनिक गरेका छन । १५ औं वैवाहिक वर्षगाँठको अवसर पारेर ‘धुर्मुस–सुन्तली&rsqu...

मंसिर १६, २०८०

कोरियोग्राफर रामजी लामिछाने एकसमय दिनैपिच्छे म्युजिक भिडियोको सुटिङमा व्यस्त हुन्थे । चल्तापुर्जा कोरियोग्राफर उनी महिनामा २२ वटासम्म म्युजिक भिडियोमा काम गर्थे ।  पछिल्ला महिना भने म्युजिक भिडियोमा उनको...

मंसिर २९, २०८०

लोकदोहोरी र आधुनिक गीतमा रुचाइएका गीतकार एवं संगीतकार राजकुमार बगरको स्वरमा ‘आँखैमा थियौ सानु’ बोलको गीत सार्वजनिक गरिएको छ ।  बगरकै शब्द एवं संगीत रहेको गीतमा उनीसँगै चर्चित गायिका...

मुलुक सुशासनतिर अघि बढेको हो ?

मुलुक सुशासनतिर अघि बढेको हो ?

असार ५, २०८१

जबसम्म भ्रष्टाचार, अनियमितता र बेथिति रहन्छ, तबसम्म मुलुक सुशासनतिर जाँदैन । जबसम्म सुशासन कायम हुँदैन, तबसम्म मुलुक समृद्धितिर अघि बढ्दैन । सारमा भन्नु पर्दा समृद्धि पैसा वा धन सम्पत्ति मात्र होइन । समृद्धि जब हु...

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

जेठ ३२, २०८१

कानूनअनुसार असार १ प्रदेश सरकारले आ–आफ्नो सभामा बजेट प्रस्तुत गर्ने दिन हो । नेपालको संविधान र कानूनले बजेट प्रस्तुत गर्ने समय तोकिदिएको छ । यसरी बजेट प्रस्तुत गर्ने दिन नै तोक्नुका २ कारण छन् । पहिलो, तह...

कहाँ हरायो कांग्रेस महासमितिको निर्णय ?

कहाँ हरायो कांग्रेस महासमितिको निर्णय ?

जेठ ३१, २०८१

अढाइ वर्षअघि नेपाली कांग्रेसको १४औं महाधिवेशन नेतृत्व मात्र चयन गरी ६ महिनाभित्र नीति महाधिवेशन आयोजना गर्ने र आवश्यक निर्णय लिने निष्कर्षमा पुगेको थियो । तत्पश्चात् निकै लामो समय पार्टीभित्र र बाहिर नीति महाधिवे...

x