माघ १८, २०८०
सत्ता र शक्तिको आडमा गैरकानूनी ढंगले सरकारी जग्गा हडप्ने नेपालको शक्तिशाली व्यापारिक घराना चौधरी ग्रुपमाथि राज्यको निकायले पहिलोपटक छानबिन थालेको छ । काठमाडौंको बाँसबारीमा ठूलो परिमाणमा सरकारी जग्गा...
फागुन १९, २०७९
एमालेसँगको समीकरणमा ४ जना उपप्रधानमन्त्री बनाएका प्रधानमन्त्री पुष्पकमल दाहाल ‘प्रचण्ड’ नयाँ समीकरणमा त्यो भन्दा बढी दाबेदार देखिएपछि दबाबमा छन् ।
राष्ट्रपति निर्वाचनसँगै फेरिन लागेको सत्ता समीकरणमा सहयात्री सबैजसो दलबाट उपप्रधानमन्त्रीको दाबी आउँदा प्रधानमन्त्रीमाथि दबाब बढेको हो ।
प्रचण्ड नेतृत्वको सरकारमा शुरूआती चरणमा माओवादी, एमाले, रास्वपा र राप्रपाबाट ४ उपप्रधानमन्त्री थिए । माओवादी केन्द्रबाट उपप्रधानमन्त्री एवं भौतिक पूर्वाधारमन्त्रीमा नारायणकाजी श्रेष्ठ मात्रै बाँकी छन् ।
एमालेबाट उपप्रधानमन्त्री एवं अर्थमन्त्री रहेका विष्णु पौडेल, रास्वपाबाट उपप्रधानमन्त्री एवं गृहमन्त्री रहेका रवि लामिछाने र राप्रपाबाट उपप्रधानमन्त्री एवं ऊर्जामन्त्री रहेका राजेन्द्र लिङ्देन सरकारबाट बाहिरिसकेका छन् ।
तर, नयाँ समीकरणमा थपिएका कांग्रेस, जसपा, नेकपा एस, जनमत, लोसपा र नागरिक उन्मुक्ति सबै पार्टीबाट उपप्रधानमन्त्रीसहित प्रभावशाली मन्त्रालयमा दाबी देखिएको हो ।
एमालेको ७९ सीटको बदलामा आएको कांग्रेस ८९ सीट भएको दल हो । त्यसैले उसले कम्तीमा एक उपप्रधानमन्त्रीसहित माओवादीले भन्दा पनि बढी प्रभावशाली मन्त्रालयमा दाबी गरेको छ ।
गठबन्धनका सबैलाई भाग दिने हो भने प्रचण्ड नेतृत्वको सरकारमा उपप्रधानमन्त्रीको संख्या कम्तीमा ७ पुग्ने देखिन्छ । एक सीट जितेको राष्ट्रिय जनमोर्चाले पनि दाबी गरे उपप्रधानमन्त्री ८ जना बनाउनुपर्ने हुन्छ ।
४ सीट रहेको नागरिक उन्मुक्तिले उपप्रधानमन्त्री सहित शक्तिशाली मन्त्रालयमा दाबी गरेको छ । राष्ट्रपतिमा भोट हाल्नुअघि जेलमा रहेका रेशम चौधरीले श्रीमती रञ्जिता श्रेष्ठलाई उपप्रधानमन्त्री बनाउन माग गरेका छन् ।
६ सीट रहेको सिके राउतको जनमत पार्टीको पनि दाबी उपप्रधानमन्त्रीसहित शक्तिशाली मन्त्रालयमा देखिन्छ । ४ सीटको उन्मुक्तिले उपप्रधानमन्त्री पाउने अवस्थामा ४ नै सीट रहेको लोसपाले पनि उपप्रधानमन्त्री छाड्ने देखिँदैन ।
लोसपाका नेता शरतसिंह भण्डारी चुनावअघि नै नयाँ सत्ताको गठबन्धन रहेको भन्दै यो फेरि ब्युँतिँदा आफूहरू सहजै सरकारमा जाने बताउँछन् ।
‘हामी पहिलेकै गठबन्धनमा थियौं । चुनावअघि नै हामी बहुमत जुटाउँछौ भन्ने अभियानमा थियौं । यसैले सरकार बनाउन म्यान्डेट पाएको यही गठबन्धनले हो,’ भण्डारी भन्छन्, ‘हामी पनि यही गठबन्धनको पक्षमा हौं । यसैले सरकारमा हामी जान्छौं । राष्ट्रपतिको निर्वाचन र प्रधानमन्त्रीले विश्वासको मत लिएपछि सरकार पुनर्गठन हुन्छ ।’
सरकारमा गएपछि उपप्रधानमन्त्रीसहित मुख्य मन्त्रालयमा दाबी हुनु स्वाभाविक रहेको उनी बताउँछन् । यीबाहेक १० सीट रहेको नेकपा एस, १२ सीट रहेको जसपा उपप्रधानमन्त्रीका लागि उसै पनि दाबेदार हुन्, किनकी नयाँ गठबन्धन बनाउँदा यी दलको साथ महत्त्वपूर्ण छ ।
सरकारमा बहुमत कायम राख्न, राष्ट्रपति निर्वाचन जित्न पनि यी ७ वटै दललाई विश्वासमा लिएर हिँड्नुपर्ने बाध्यतामा प्रधानमन्त्री छन् । यति मात्रै होइन प्रदेश सरकारको भावी समीकरणको सहजताका लागि पनि यी जसपा, लोसपा, जनमत र नागरिक उन्मुक्ति पार्टीलाई उचित भागबन्डा दिनुपर्ने र मनाउनुपर्ने बाध्यता प्रधानमन्त्रीलाई छ ।
जनमत पार्टीका चन्दन सिंहले सरकार पुनर्गठनमा आफूहरूले राम्रो हिस्सा खोज्ने बताए । ‘अहिले सरकारभन्दा राष्ट्रपतिको निर्वाचनमा सबै केन्द्रित छौं,’ उनले भने, ‘राष्ट्रपति चुनावपछि हुने सरकार पुनर्गठनमा हामी सम्मानजनक दाबी पक्कै गर्छौं ।’
यसअघि एक मन्त्रालय पाए पनि अब प्रभावशाली मन्त्रालय र उपप्रधानमन्त्रीमा दाबी रहने संकेत उनले गरे । जनमत, लोसपा र नागरिक उन्मुक्तिले नै दाबी गर्दा नेकपा एस र जसपाले पनि स्वतः उपप्रधानमन्त्री पाउने देखिन्छ । माओवादीको उपप्रधानमन्त्री बहाल छन्, कांग्रेसको पक्कै पनि एक उपप्रधानमन्त्री हुनेछन् ।
सबैलाई चित्त बुझाउँदा र भागबण्डा मिलाउँदा उपप्रधानमन्त्रीको भीड खडा हुने देखिन्छ ।
मन्त्रीको भागबन्डामा पनि उस्तै सकस
एमाले, रास्वपा र राप्रपा सरकारबाट बाहिरिएपछि माओवादीका ५ र जनमतका एक मन्त्री मात्रै छन् । १६ वटा मन्त्रालय यतिखेर प्रधानमन्त्री प्रचण्डसँगै रहेका छन् ।
१६ मन्त्रालयमा कांग्रेस कम्तीमा ८ वटा मन्त्रालयमा दाबेदार देखिन्छ, सरकारबाट बाहिरिएको एमालेका पनि ८ मन्त्री थिए । एमालेभन्दा कांग्रेस १० सीटले ठूलो दल रहेको छ । यसैले एमालेका भन्दा पनि बढी मन्त्रालयमा कांग्रेसको दाबी रहन सक्ने देखिन्छ ।
जसपा, नेकपा एस, जनमत, लोसपा र नागरिक उन्मुक्तिले पनि राम्रै संख्यामा दाबी गरिरहेका छन् । यसअघि २० सीट रहेको रास्वपाबाट एक उपप्रधानमन्त्रीसहित तीन मन्त्री र एक राज्यमन्त्री बनेका थिए । १४ सीट रहेको राप्रपाबाट एक उपप्रधानमन्त्रीसहित तीन मन्त्री र एक राज्यमन्त्री भएका थिए । यही अनुपातमा हेर्दा १२ सीट रहेको जसपा र १० सीट रहेको नेकपा एसको उपप्रधानमन्त्रीसहित कम्तीमा दुई–दुई मन्त्रालय भाग पर्ने देखिन्छ । तर दाबी उनीहरूले ३–३ वटा मन्त्रालयमा गरिरहेका छन् ।
यस्तो अवस्थामा लोसपा, जनमत र नागरिक उन्मुक्तिले एक सीटभन्दा बढी पाउने अवस्था देखिएको छैन । यसैले कि ठूला दलको हिस्सा कटाउनुपर्ने कि कम्तीमा एक मन्त्रालय दिएर मनाउनुपर्ने अवस्थामा प्रधानमन्त्री छन् । जसपा, जनमत र नागरिक उन्मुक्तिले यसअघि मागेको मन्त्रालय र संख्या नपाउँदा प्रचण्ड नेतृत्वको सरकारमा लफडा नै गरेका थिए ।
सम्मानजनक हिस्सा र मन्त्रालय नपाएपछि जसपाले सरकारलाई समर्थन मात्रै दियो । सरकारमा सहभागी भएन । केही समय घुर्क्याएपछि मात्रै जनमतका अब्दुल खान खानेपानी मन्त्री भएका थिए । उचित भागबन्डा नपाएको र माग पूरा नभएको भन्दै नागरिक उन्मुक्ति पार्टीले पनि उस्तै लफडा गरेको थियो । उन्मुक्तिले भोट नदिँदा सुदूरपश्चिम सरकार नै ढल्न पुगेको थियो ।
माओवादी नेता देव गुरुङ भागबन्डामा सबै दललाई नयाँ समीकरणमा समेट्न चुनौती रहे पनि प्रधानमन्त्रीले मिलाएरै अघि बढ्ने दाबी गर्छन् ।
‘सरकारमा सहभागी हुने दल धेरै देखिएका छन् । यस्तोमा सबैलाई भाग दिएर अगाडि बढ्न केही चुनौती देखिएको पक्कै हो,’ गुरुङ भन्छन्, ‘तर पनि प्रधानमन्त्रीले सबैलाई विश्वासमा लिएर अगाडि बढ्नुहुन्छ ।’
सत्ता र शक्तिको आडमा गैरकानूनी ढंगले सरकारी जग्गा हडप्ने नेपालको शक्तिशाली व्यापारिक घराना चौधरी ग्रुपमाथि राज्यको निकायले पहिलोपटक छानबिन थालेको छ । काठमाडौंको बाँसबारीमा ठूलो परिमाणमा सरकारी जग्गा...
चरम आर्थिक संकटबाट गुज्रिएको श्रीलंकाले सन् २०२२ को अन्त्यतिर औषधि किन्ने क्षमता पनि गुमाएको थियो । ५० अर्ब डलरभन्दा बढीको विदेशी ऋण 'डिफल्ट' भएको थियो भने लाखौंले रोजगारी गुमाएका थिए । दशौं लाख मान्छे...
सरकारमा सहभागी मन्त्रीको कार्यक्षमतालाई लिएर प्रश्न उठेपछि अहिले सरकारमा रहेका मन्त्रीलाई फिर्ता बोलाएर मन्त्रिमण्डल पुनर्गठन गर्न सत्तारुढ दलहरूभित्र दबाब बढ्न थालेको छ । अपवादबाहेक सरकारमा सहभागी मन्त्रीले जनअपे...
कुनै राजनीतिक संक्रमण वा अवरोध नभएको समयमा मन्त्रीहरूबीच कसले राम्रो काम गर्ने भनेर प्रतिस्पर्धा हुनुपर्ने हो । तर, विडम्बना ! सहज राजनीतिक अवस्थामा पनि झन्डै एक वर्षसम्म सरकारमा रहेका अधिकांश मन्त्रीको कार्यप्रगति ...
एकाधबाहेक अधिकांश मन्त्रीले प्रभावकारी कार्यसम्पादन गर्न नसकेपछि प्रधानमन्त्री पुष्पकमल दाहाल ‘प्रचण्ड’ स्वयंले मन्त्रीहरूलाई प्रस्ट चेतावनी दिएका छन् । नेपालीलाई नक्कली भुटानी शरणार्थी बनाएर अमेरिका ला...
सर्वोच्च अदालतको परमादेशले प्रधानमन्त्रीबाट पदमुक्त भएपछि नेकपा एमालेका अध्यक्ष केपी शर्मा ओली बालुवाटारबाट रित्तो हात फर्केका थिए, २०७८ असार ३० गते । संसद् विघटनको अवगाल छँदै थियो, लामो समय सँगै राजनीति गर...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...