नर्ड स्ट्रीम ग्यास पाइपलाइनमा विस्फोट गर्ने डुंगा जर्मन अधिकारीहरूले पत्ता लगाएका छन् ।  

मंगलवार जर्मनीका विभिन्न सञ्चारमाध्यमले यसको खबर दिएका छन् । उक्त विस्फोट जानाजान गराइएको धेरैको विश्वास छ । 

विस्फोटमा उपयोग गरिएको याट डुंगा पोल्यान्डमा रहेको एक कम्पनीको भएको बताइएको छ । त्यस कम्पनीका मालिक दुई युक्रेनी नागरिक हुन् । 

जर्मनीको एसडब्ल्यूआर रेडियो र डी जाइट पत्रिकाले यस विषयमा संयुक्त खोजी गरेको घोषणा गरेका छन् । घटनामा संलग्न जर्मन अधिकारीहरूको गतिविधिमा उनीहरूले खोजी गरेका हुन् । 

विस्फोट गराउने याट जर्मनीको उत्तरपूर्वमा रहेको रोस्टोक शहरबाट हिँडेको खोजीमा पत्ता लागेको छ । अनि विस्फोटक पदार्थहरू राखिएको एउटा बेग्लै डेलिभरी ट्रकबाट रोस्टोभमा आइपुगेको थियो । 

उक्त याट पछि डेनमार्कको क्रिस्टियान्सो टापुमा देखिएको थियो । पाइपलाइन क्षति गरिएका ठाउँबाट त्यो उत्तरपूर्वतर्फ पर्छ । 

काम सकिएपछि याट मालिकहरूलाई फर्काइएको थियो । त्यसको क्याबिनमा अनुसन्धाताहरूले विस्फोटकको निशाना भेटेका थिए । 

युक्रेनले उक्त विस्फोटमा आफ्ना नागरिकहरू संलग्न रहेको खबरलाई खण्डन गरेको छ ।