रुपन्देहीमा बेवारिसे अवस्थामा १ पुरुषको शव फेला परेको छ ।

सैनामैना नगरपालिका–२ बाँबरी पार्टी प्यालेस नजिकै रहेको प्लटिङमा बुधवार अन्दाजी ४० वर्षीय पुरुषको शव फेला परेको जिल्ला प्रहरी कार्यालय रुपन्देहीका प्रवक्ता प्रहरी नायव उपरीक्षक श्यामु अर्यालले जानकारी दिए ।

टाउकोमा चोट लागेको अवस्थामा भेटिएको शवको सनाखत हुन सकेको छैन । घटनाको अनुसन्धानका लागि ३ जनालाई नियन्त्रणमा लिइएको प्रहरीले जनाएको छ ।

गौतमबुद्ध अन्तर्राष्ट्रिय विमानस्थल भैरहवाबाट तालिम प्राप्त कुकुर परिचालन गरी थप अनुसन्धान भइरहेको प्रहरी प्रवक्ता अर्यालले बताए ।