म राष्ट्रपति भएपछि सडकमा जाम हुँदैन - रामचन्द्र पौडेल

राष्ट्रपतिका लागि ८ दलीय मोर्चाका उम्मेदवार रामचन्द्र पौडेलले आफू राष्ट्रपति भएपछि सवारीकाम नाममा सडक जाम नगर्ने बताएका छन् ।

मतदानअघि मतदातालाई भेट्न छिटो गरी बानेश्वर पुगेका पौडेलले आफू राष्ट्रपति भएपछि राजतन्त्रको राष्ट्राध्यक्षभन्दा गणतन्त्रको राष्ट्राध्यक्ष कसरी फरक हुन्छ देखाउने बताएका हुन् ।

'पहिलेका कमजोरीका कुराबाट पाठ सिकेर काम गर्छु । आलोचनाबाट पाठ सिकेर काम गर्छु’, पौडेलले भने, ‘म राष्ट्रपति भएपछि सडकमा जाम हुँदैन । राजतन्त्रको राष्ट्राध्यक्ष र गणतन्त्रको राष्टाध्यक्षमा के फरक र भिन्नता हुन्छ म देखाउँछु । सबैले भिन्नता देख्न पाउनुहुन्छ ।’

१० बजे मतदात हुने भन्दै पौडेलले सबै माननीयलाई नमस्कार गर्न आफू १० बजे अगावै मतदान केन्द्र पुगेको पनि बताए ।

‘१० बजेदखि राष्र्टपतिको लागि मतदान शुरू हुँदैछ । १० बजे अगाडिदेखि नै माननीयहरू आउनुभएको छ । उहाँहरूलाई नमस्कार गर्न म नि चाँडै आएको छु । मलाई अगाध विश्वास छ । राष्ट्रिय सभा, प्रतिनिधिसभा र प्रदेशसभाका सदस्यप्रति अगाध विश्वास छ । मेरो लामो संघर्ष, इतिहास, योगदानलाई मूल्यांकन गर्नुहुन्छ । म सबैको हुँ । राष्टिय सयहमतिको उम्देवार पनि हुँ । एमाले माओवादी,  समाजवादी सबैको उम्मेदवार हुँ,’ पौडेलले भने।

उनी राष्ट्रपतिमा एमाले उम्मेदवार सुवासचन्द्र नेम्वाङसँग प्रतिस्पर्धा गर्दैछन् । चुनाव आज १० देखि ३ बजेसम्म हुँदैछ ।

​