मतदाता नामावलीको विषयलाई लिएर अनेरास्ववियुले महेन्द्र मोरङ क्याम्पसमा गरेको तालाबन्दी खुलेसँगै भोलि (आइतबार) चुनाव हुने भएको छ । 

मतदाता नामावली फाइनल नगरेको र क्याम्पस प्रशासनले चलखेल गरेको भन्दै अनेरास्ववियुले दिउँसो तालाबन्दी गरेको थियो  । 

अन्य क्याम्पसमा लागेका ताला पनि खोल्ने वातावरण बनाउने भन्ने सहमति भएपछि ताला खोलिएको अनेरास्ववियुका नेता भाष्कर खनालले बताए ।

जिल्ला प्रशासन कार्यालय विद्यार्थी संगठनबीच छलफल गरेर अन्य क्यामपसमा लागेको ताला पनि खुलाउने उनले बताए ।

विराटनगरस्थित नर्सिङ क्याम्पसमा नेपाल विद्यार्थी संघले हिजो ताला लगाएपछि  त्यसको रिसमा अनेरास्ववियुले महेन्द्र मोरङ क्याम्पसमा ताला लगाएको थियो ।