×

NIC ASIA

'धोकेबाज हौ तिमी'को चर्चा

‘धोकेबाज’को जस लिन खोजेको चर्चाबीच शिव परियार : ‘अब सुप्रिमले मेरो गीत भन्न नपाउने ?’

पुराना गीतले अगाडिको 'जेनेरेसन'लाई मात्र सम्बोधन गर्छ, यसले नयाँ 'अडियन्स'माझ चिनायो

चैत ५, २०७९

Prabhu Bank
NTC
Premier Steels

डेढ वर्षअघि सार्वजनिक गीत हो, ‘धोकेबाज हौ तिमी’ । सुवास कार्की (कार्कीजी)को शब्द एवं संगीत, विशाल निरौलाको एरेन्जमा पहिले यो गीत गायिका एलिना चौहानको स्वरमा सार्वजनिक भयो । 

Muktinath Bank

त्यसको तीन महिनापछि शिव परियारको स्वरमा यो गीत सार्वजनिक भएको थियो । दुवै भर्सनलाई स्रोता एवं दर्शकले रुचाएका थिए । यद्यपि, पछिल्लो केही समययता भने यसको फिमेल भर्सन अत्यधिक चर्चामा छ । 


Advertisment
RMC TANSEN
IME BANK INNEWS
shivam ISLAND

सांगीतिक क्षेत्रमा मात्र नभई राजनीतिक सन्दर्भमा समेत गीतको शीर्षक प्रयोग गर्ने गरिएको छ । सामाजिक सञ्जालमा गीत भाइरल छ । यसरी गीत चर्चामा आउनुको कारण मेला/महोत्सवमा एलिनाले प्रस्तुति दिँदा त्यहाँ उपस्थित दर्शकहरूले देखाएको व्यवहार र उनीहरूको ‘एक्सप्रेसन’ हो ।


Advertisment
Nabil box
Kumari

उनको प्रस्तुतिमा दर्शकहरूले लिरिक्स मिलाएर लिप्सिङ गरेको एक्सप्रेसन भाइरल भएको थियो । त्यसयता ‘धोकेबाज हौ तिमी’ गीत सर्वाधिक चर्चामा छ । फिमेल भर्सन अत्यधिक चर्चामा रहँदा कतिपय स्रोता दर्शहरूलाई यो गीत शिवले पनि गाएका छन् भन्नेसमेत थाहा नहुन सक्छ । यतिबेला भने उक्त गीतलाई लिएर नयाँ चर्चा चलेको छ, सांगीतिक वृत्तमा । त्यो के भने गीतको क्रेडिट लिन शिव र एलिनाबीच होड चलेको छ । 

Vianet communication

गायिका एलिनाको ‘डिमान्ड’ यही गीतका कारण ह्वात्तै बढेको छ । गायक शिव परियारले हरेक स्टेजमा यस गीतलाई प्राथमिकता दिइरहेका छन् । उनले फेसबूक वालमा मेल भर्सन मात्रै सेयर गरेका छन् । अन्तवार्ताहरूमा पनि उनले उक्त गीत आफ्नो स्वरमा गाएर सुनाउने गरेका छन् । उक्त गीतको चर्चा गर्दा उनले फिमेल भर्सनबारे केही पनि बोल्ने गरेका छैनन् । यसले गर्दा शिवले उक्त गीतको ‘क्रेडिट’ लिन खोजेको देखिन्छ । यद्यपि, उक्त गीतमा आफूले ‘क्रेडिट’ लिनु खोज्नुपर्ने कारण नै नभएको उनी बताउँछन् । 

‘मलाई सुन्न चाहनेहरूले मलाई सुनिदिनुभएको छ । फिमेल सिंगरको फ्यानहरूले फिमेल भर्सनलाई सुनिदिनुभएको छ,’ उनले लोकान्तरसँग भने, ‘त्यसमा क्रेडिट लिनुपर्ने कारण नै छैन । मेरो स्वरमा मेल भर्सन आएको हो, त्यो मेरो गीत हो । मैले कसैको कभर गाएको होइन ।’ 

गायक परियारले आफूले आफ्नो मात्रै भर्सनलाई प्रमोसन गरिरहँदा नकारात्मक प्रतिक्रिया दिनु आवश्यक नरहेको बताए । 

‘यो गीत मैले पनि गाएको छु । अब मैले आफ्नो गीत नराखेर फिमेल भर्सनलाई मेरो फेसबूक ह्यान्डलमा राख्ने कुरा भएन नि,’ उनले भने, ‘म यो गीतमा एउटा गायकको रूपमा जोडिएपछि मैले मेरै भर्सनको प्रमोशन गर्ने हो । त्यही गरेको हुँ ।’ 

आफूले कसैलाई नजोडी आफ्नो मात्रै कुरा गर्दा आफूमाथि प्रहार भइरहेको उनको आरोप छ । 

शिवको स्वरमा सार्वजनिक ‘धोकेबाज हौ तिमी’ गीत युट्युब ट्रेन्डिङ नम्बर वानमै आएको थियो । गीतको प्रमोसनमा पनि आफूले सक्दो काम गरेको शिव स्मरण गर्छन् । उनले आफूले हरेक स्टेजमा यो गीत गाउँदा ‘वान्स मोर’ आउने गरेको बताए । 

‘धोकेबाज हौ तिमी’ यतिबेला चाइल्ड भर्सनमा पनि आएको बताउँदै उनले अगाडि भने, ‘के अब सुप्रिम मल्लले त्यसलाई मेरो गीत भन्न नपाउने हुन्छ त ? हुँदैन नि । भोलि लिजेन्ड्ररी भर्सनमा कसैले गाउनुहोला । उहाँलाई तेरो होइन भन्न त मिलेन नि ।’ 

पहिले पनि रुचाइएको तर, फिमेल भर्सनको स्टेज पर्फमेन्सपछि गीत भाइरल भएको उनको स्वाकारोक्ति छ । 

‘त्यसले हामीहरू सबैलाई राम्रो भएको छ । मानिसहरूको त्यो गीतप्रति चासो बढेको छ । त्यो गीत सडकदेखि नेपाली राजनीतिको व्यंग्य प्रस्तुत गर्नमा समेत प्रयोग भएको छ,’ उनले भने, ‘धोकेबाज भन्ने गीत समग्रमा पपुलर छ । त्यो लोकप्रिय कन्टेन्ट/गीतसँग गायकको हिसाबले म पनि जोडिएको छु । मैले मेरो भर्सन सेयर गरिरहेको छु । तर, मानिसहरू अनावश्यक कमेन्ट गर्दै निहुँ खोज्न आइरहेका छन् । त्यो त सिधै ममाथिको प्रहार भइहाल्यो नि ।’ 

‘अघिका गीतले अगाडिको जेनेरेसनलाई मात्रै सम्बोधन गर्छ’

गायक शिव परियार झण्डै दुई दशकदेखि सांगीतिक क्षेत्रमा सक्रिय एउटा स्थापित नाम हो । ‘फेवा तालमा साइँली’, ‘क्या दामी भो’ लगायतका थुप्रै गीत 'हिट’ छन् । त्यसकारण चर्चाका लागि उनले अब कुनै गीतको जस लिनका लागि जोडबल गर्नु आवश्यक नरहेको कतिपयको विश्लेषण छ । 

गायक शिवले भने यसअगाडिका गीतले आजभन्दा अगाडिको जेनेरेसनलाई मात्रै सम्बोधन गर्ने गरेको बताउँछन् । गायकले हरेक समय हिट गीत दिन आवश्यक रहेको उनको धारणा छ । 

‘१८/१९ वर्षदेखि लगातार गीत गाइरहेको छु । ११ वटा एल्बम भयो । प्रत्येक परिच्छेदमा एक/एकवटा हिट नम्बरहरू दिइरहेको छु,’ उनले भने, ‘तर जति धेरै गीतहरू गाउँदै गएँ त्यसले आजभन्दा अगाडिको जेनेरेसनलाई मात्रै सम्बोधन गर्छ ।’

‘धोकेबाज’ गीतको माध्यमबाट नयाँ जेनेरेसनका स्रोताले आफूलाई सुनेको शिवले बताएका छन् । अहिलेको टिनएजर्समाझ यो गीतले आफूलाई चिनाएको उनको भनाइ छ ।

‘शिव परियारको खाताबाट धोकेबाज गीत एकछिनका लागि हटाइदिऔं त, कति गाह्रो छ,’ उनले अगाडि भने, ‘दुईवटा गीत फ्लप हुन थालेपछि करियर ओरोलो लाग्छ । मैले ग्राउन्ड रियालिटी बुझेको छु ।’

hAMROPATRO BELOW NEWS
TATA Below
मंसिर १७, २०८०

गायक हेमन्त शर्मा आइतबार पाल्पाली दर्शकमाझ प्रस्तुत हुँदैछन् । माथागढी गाउँपालिकाको सराइमा जारी महोत्सवमा पुगेर उनले प्रस्तुति दिन लागेका हुन् । उनीसँगै अहिलेकी चर्चित गायिका समीक्षा अधिकारी पनि महोत्सवमा आकर्...

मंसिर १४, २०८०

नारायण रायमाझी निर्देशित चलचित्र ‘परदेशी २’को प्रदर्शन नेपालमा अझै जारी छ ।  चलचित्रले शनिवार प्रदर्शनको ५१ दिन पूरा गर्दैछ । प्रकाश सपूत, केकी अधिकारी र वर्षा शिवाकोटी स्टारर यो चलचित्र...

पुस १०, २०८०

कलाकार शिशिर भण्डारीले आफ्नो हिट गीत ‘फोटो फिरिममा’ शीर्षकमा टेलिसिरियल ल्याउने भएका छन् ।  निर्माणको तयारी सुरु भइसकेको टेलिसिरियलमा उनकै कथा, पटकथा एवं संवाद लेखन रहनेछ ।  उ...

कात्तिक २३, २०८०

मोडल एवं अभिनेत्री दीपाशा बीसी ‘जलपरी’को मृत्यु भएको छ । स्वास्थ्यमा समस्या आएपछि बुधवार राति थापाथलीस्थित नर्भिक अस्पताल भर्ना भएकी २८ वर्षीया उनको बिहीवार दिउँसो मृत्यु भएको हो । अस्पतालले उनलाई म...

मंसिर २, २०८०

‘लुट’ र ‘टलकजंग भर्सेस टुल्के’जस्ता प्रशंसित चलचित्रका निर्देशक निश्चल बस्नेतको चलचित्र ‘दिमाग खराब’ दोस्रो सातामा प्रदर्शन भइरहेको छ । २०७३ मा ‘लुट– २’...

मंसिर १३, २०८०

गायिका भूमिका गिरी र गायक प्रकाश दूतराजको सहकार्य रहेको दोस्रो गीत पनि करोड क्लबमा प्रवेश गरेको छ । उनीहरुले सहकार्य गरेको ‘देउरालीमा...’ बोलको गीतलाई युट्युबमा १ करोडभन्दा बढी पटक हेरिएको हो ।...

सत्ताबाट अवकाश पाएको कांग्रेसलाई आएको नयाँ अवसर

सत्ताबाट अवकाश पाएको कांग्रेसलाई आएको नयाँ अवसर

जेठ ७, २०८१

यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...

प्रकृतिको गीत

प्रकृतिको गीत

जेठ ५, २०८१

सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...

दक्षिणपन्थ र अवसरवादको चाङबाट माधव नेपालको छटपटी !

दक्षिणपन्थ र अवसरवादको चाङबाट माधव नेपालको छटपटी !

जेठ २, २०८१

नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...

x