गायक सोनु निगमका बुवाको घरमा चोरी भएको छ। 

निगमका बुवा अगमकुमारको घरबाट ७२ लाख भारु चोरी भएको भारतीय सञ्चारमाध्यमले लेखेका छन्।

उनका पुराना चालकलाई दोषी करार गरिएको छ।

चालकले डुप्लिकेट साचोबाट अलमिराको लकर खोलेर चोरी गरेको आरोप छ । सोनुकी बहिनीले बुधबार ओशिवारा प्रहरी चौकीमा उजुरी दिएकी थिइन्, जसपछि अहिले यस विषयमा अनुसन्धान भइरहेको छ।  

निकिताको उजुरीमा पुलिसले चोरी र घरमा घुसपैठ गरेको भन्दै एफआईआर दर्ता गरेको छ। चालकलाई त्यहाँबाट नियन्त्रणमा लिइएको छ । 

सोनुका बुबाले आफ्ना पूर्वचालकविरुद्ध चोरी मुद्दा दायर गरेका छन्।

सोनुका बुबा मुम्बईको अन्धेरी वेस्ट ओशिवाराको विन्डसर ग्रान्ड बिल्डिङमा बस्छन्। चालकले १९ मार्चदेखि २० मार्चबीचमा चोरेको हुन सक्ने प्रहरीको आशंका छ। 

सोनु निगमकी कान्छी बहिनी निकिताका अनुसार उनका बुबासँग करिब ८ महिनादेखि रेहान नामका चालक थिए । उनको कामबारे धेरै गुनासो आएपछि उनलाई निकालिएको थियो। 

निगमका बुवा साँझ फर्कँदा उनको लकरबाट ३२ लाख रुपैयाँ हराएको थियो। जबकि लकरमा कुनै क्षति भने भएको थिए। यो देखेपछि उनले सीसीटीभी फुटेज चेक गर्दा चालक रेहान दुवै दिन फ्ल्याटतर्फ झोला बोकेर हिँडेको देखिएको छ।