भारतीय कांग्रेसका नेता राहुल गान्धीलाई २ वर्ष जेल सजाय भएको छ ।

सन् २०१९ मा कर्नाटकमा आयोजित चुनावी कार्यक्रममा दिएको विवादित बयानमा मानहानी ठहर गर्दै अदालतले उनलाई जेल सजाय सुनाएको हो ।

गुजरातका भारतीय जनता पार्टी (बीजेपी) सांसद पूर्णेश मोदीले दिएको मुद्दामाथि फैसला सुनाउँदै सूरत अदालतले बिहीवार राहुललाई जेल हुने ठहर गरेको हो ।

चुनावी कार्यक्रममा राहुलले ‘मोदी’ थरमाथि अपमान हुने गरी अभिव्यक्ति दिएका थिए । जसमा उनी दोषी ठहर भएका भारतीय सञ्चारमाध्यमले जनाएका छन् ।

नेता राहुललाई जेल सजाय भएपछि कांग्रेस नेता, कार्यकर्ता विरोध प्रदर्शनमा उत्रिएका छन् । अब राहुलले उच्च अदालतमा पुनरावेदन गर्ने विकल्प बाँकी छ ।

अदालतको फैसला कार्यान्वयन भएमा उनी ६ वर्ष चुनाव लड्न अयोग्य हुने भएका छन् ।