भारतको झारखण्ड राज्यमा रहेको धनबाद जिल्लामा एउटा सानो ग्लाइडर विमान उडेको केही समयमै दुर्घटनाग्रस्त भएको छ । 

प्राविधिक गडबडीका कारण विमान उडेको ५०० मिटर पर नै अचानक तल खसेर घरमा ठोकिन पुगेको थियो । 

दुर्घटनामा विमानचालक र १४ वर्षका एक बालक गम्भीर घाइते भएका छन् । 

यो विमान नीलेश कुमार नामक व्यक्तिको घरको अघिल्लो भागमा ठोकिएको थियो । घरमा रहेको कसैलाई पनि चोटपटक लागेन । 

विमान बिहीवार साँझ पौने ६ बजेतिर धनबादको बरवाडा हवाईपट्टीबाट उडेको थियो । प्राविधिक समस्या आएपछि एक मिनेटभित्रै सन्तुलन बिग्रेर विमान तल खसेको थियो । 

त्यसमा तीन यात्रु थिए र दुईजना गम्भीर घाइते भएका छन् । 

स्थानीय मानिसहरूले घाइतेलाई अस्पतालमा भर्ना गरेका थिए । 

विमान ठोकिएपछि घरमा क्षति पुगेको छ । 

आकाशबाट शहरको दृश्य हेर्न तथा हवाई यात्राको आनद्यन दिनका लागि ग्लाइडर विमान उपयोग गर्न थालिएको छ । दुर्घटनापछि भने यसलाई रोकिएको छ । 
 

Live Plane Crash#accident #planecrash #Aircraftcrash #dhanbad pic.twitter.com/4NjrSU27uZ

— Chiranjivi Singh🇮🇳 (@chiranjivi470) March 23, 2023