भारतबाट छुट्ट्याएर बेग्लै खालिस्तान नामक मुलुक बनाउने अभियान चलाइरहेका अमृतपाल सिंहलाई अहिले भारतीय प्रहरीले खोजिरहेको छ । 

वारिस दे पञ्जाब नामक संगठनका प्रमुख सिंह उत्तराखण्ड पुगेको खबर आएपछि उच्च सतर्कता अपनाइएको छ । उत्तराखण्डबाट नेपालभित्र पस्न सक्ने आशंकामा नेपाल–भारत सीमामा अलर्ट जारी गरिएको छ । 

अमृतपाल सिंहका साथी र सहयोगीहरूलाई प्रहरीले धमाधम पक्राउ गरिरहेको छ । 

अमृतसरमा रहेको अजनाला प्रहरी कार्यालयमा अमृतपालले आक्रमण गरी आफ्नो सहयोगीलाई हिरासतबाट छुटाएपछि प्रहरीले उसविरुद्ध कारवाही थालेको छ । 

प्रहरीले लूकआउट नोटिस तथा विना धरौटीको पक्राउपुर्जी पनि जारी गरेको छ ।