काठमाडौं महानगरपालिकाले नदी किनार, नदी उकास तथा नदी बहावको सार्वजनिक क्षेत्रमा बनेका अनधिकृत संरचना ७ दिनभित्र हटाउन आह्वान गरेको छ ।

शनिवार पत्रिका सूचना प्रकाशित गर्दै महानगरपालिकाले नदी कोरिडोरको सार्वजनिक क्षेत्रमा संरचना निर्माण गरी भोगचलन गरेकालाई तत्काल संरचना अन्यत्र सार्न सूचित गरेको छ ।

अनधिकृत संरचना नहटाएमा प्रचलित कानून बमोजिम संरचना हटाइने र सोको खर्च सम्बन्धित पक्षसँगै असूलउपर गरिने महानगरले जनाएको छ ।