पत्रकार दीपेन्द्र दोङको निधन भएको छ ।

पारिवारिक स्रोतका अनुसार ब्रेन ह्याम्रेजका कारण ललितपुरको मेडसिटी अस्पतालमा उपचाररत दोङको शनिबार अपराह्न निधन भएको हो । 

लामो समयदेखि पत्रकारितामा क्रियाशील दोङ जनता प्रसारण तथा प्रकाशन लिमिटेडद्वारा सञ्चालित रेडियो जनताका स्टेशन म्यानेजर तथा जनता टेलिभिजनद्वारा प्रवर्द्धित जनतासमाचार डट्कमका ग्रुप एडिटरका साथै पछिल्लो समय मध्याह्न दैनिकका कार्यकारी अधिकृतको रूपमा समेत कार्यरत थिए। 

उनको निधनमा जनता प्रसारण तथा प्रकाशन लिमिटेडले भावपूर्ण श्रद्धाञ्जलि तथा शोकसन्तप्त परिवारमा गहिरो समवेदना व्यक्त गरेको छ ।

साथै यस संस्थाद्वारा सञ्चालित जनता टेलिभिजन, रेडियो जनता, जनतासमाचार डट्कम तथा जन सञ्चार प्रकाशनका सम्पूर्ण कर्मचारीद्वारा भावपूर्ण श्रद्धाञ्जलि व्यक्त गरेको छ ।