विराट गोल्डकपमा एपीएफ विजयी

विराटनगरको शहीद रंगशालामा भएको विराट गोल्डकप फूटबल प्रतियोगिताअन्तर्गत शनिवार रातिको खेलमा  साविक विजेता एपीएफ क्लब विजयी भएको छ । 

खेलमा एपीएफले भुटानको ड्रुक लुयल फूटबल क्लबलाई २–१ गोलअन्तरले पराजित गरी सेमिफाइनलमा प्रवेश गरेको छ ।

निर्धारित समयसम्म १–१ गोलको बराबरीमा रहेको खेलमा एपीएफले दोस्रो हाफको अतिरिक्त समयमा पेनाल्टीमार्फत गोली गरी २–१ को अग्रता बनाउँदै विजयी भएको हो ।

खेलमा निर्णायक गोल गरेका बेडुम प्लेयर अफ दि म्याच हुँदै नगद ११ हजार रुपैयाँ पुरस्कार प्राप्त गरेका छन् । प्रतियोगिताको विजेताले २० लाख १५ हजार प्राप्त गर्ने छन् भने उपविजेता टीमले १० लाख २५ हजार रुपैयाँ नगद राशि प्राप्त गर्नेछ ।