जसपा राष्ट्रिय परिषद् अध्यक्ष अशोक राईले विराटनगरमा पहिचानवादीको संघर्षपूर्ण आन्दोलनमा पदम लिम्बूको मृत्यु भएको भन्दै सरकारको ध्यानाकर्षण गराएका छन्। 

संघीय संसद्को आजको बैठकमा नेता राईले भने, 'यो अत्यन्तै दुःखद् र गम्भीर घटना हुन गएको छ। सभामुखमार्फत सरकारको ध्यानाकर्षण गराउन चाहन्छु। लिम्बूप्रति हार्दिक श्रद्धाञ्जली अर्पण र समवेदना दिन चाहन्छु।'

प्रदेश नम्बर १ को नाम कोशी राख्ने निर्णय भएपछि नामको विरोधमा विरोध भएको थियो। उ

उक्त आन्दोलनका क्रममा लिम्बुको उपचार क्रममा मृत्यु भएको थियो। 

राईले शान्तिपूर्ण प्रदर्शन भए पनि प्रशासन र प्रहरीले बर्बर ढंगले ​प्रहार गरेको आरोप लगाए। 

राईले मधेश आन्दोलनमा ५९ जना शहीद भएका भन्दै उनले त्यो शृंखला रोक्न आग्रह गरे।

जनताले आफ्नो अधिकार माग्नु नैसर्गिक अधिकार भएको भन्दै उनले लोकतन्त्रको सर्वोच्च रूप स्थापित गरे पनि पहिचान माग्ने आन्दोलनकारीको ज्यान मार्नु निन्दनीय भएको उनले बताए।

यस किसिमको परिस्थिति रोक्न उनले सरकारसमझ माग गरे।