सर्लाहीको हरिपूर्वामा बिहीबार अपराह्न भएको मोटरसाइकल दुर्घटनामा २ जनाको मृत्यु भएको छ। ​

हरिपूर्वा नगरपालिका–३ धनकौलमा दक्षिणतर्फबाट आइरहेको ना३४प ८२८९ नम्बरको मोटरसाइकल अनियन्त्रित भएर सडकबाट उछिट्टिएको थियो। 

​मोटरसाइकलमा सवार २  जना पुरुषको घटनास्थमै मृत्यु भएको छ।

दुर्घटनामा मृत्यु हुने दुवै लालबन्दी नगरपालिका वडा नम्बर १७ रानीगञ्जका रहेका खुलेको छ। 

मृत्यु हुनेहरूमा २५-३० वर्षका प्रमेश्वर महतो र अर्का ५०-५५ वर्षका रामकृष्ण भनिने चरित्रबहादुर काफ्ले रहेका प्रहरीले जानकारी दिएको छ। 

दुवै मृतकका परिवार घटनास्थलमा पुगेर शवको पहिचान गरेका जिल्ला प्रहरी कार्यालय मलंगवाले जनाएको छ। 

प्रहरी टोली गएर सोधखोज गरी बिहीबार साँझ अबेर मृतकको परिचय खुलाएको हो । मृतक दुवैको शव घटनास्थलको प्रकृति मुचुल्का गरी राति अबेर पोष्टमार्टमका लागि प्रादेशिक अस्पताल मलंगवा पुर्‍याइएको छ ।