महोत्तरीमा १८ वर्षीया किशोरीलाई बलात्कार गरेको आरोपमा एक जना पक्राउ परेका छन् । 

पक्राउ पर्नेमा सम्सी गाउँपालिका –४ भेटपुर टोलका २१ वर्षीय रामनगिना राउत बरै रहेका छन् । उनलाई गएराति पक्राउ गरिएको प्रहरीले जनाएको छ ।​​

बरैले ती किशोरीलाई जबरजस्ती करणी गरेको भन्ने उजुरीको आधारमा प्रहरी चौकी​ गैडाभेटपुरबाट खटिएको प्रहरीले उनलाई पक्राउ गरेको हो । 

थप अनुसन्धान भइरहेको प्रहरीले जनाएको छ ।