प्रहरीले वीरगञ्जबाट लागूऔषधसहित १ जनालाई पक्राउ गरेको छ ।

पर्साको वीरगञ्ज महानगरपालिका–१६ स्थित सडक खण्डमा प्रहरी चौकी ईनर्वाबाट खटिएको नियमित चेकिङ टोलीले शंकास्पद रूपमा पैदल हिँडिरहेका चितवनको भरतपुर महानगरपालिका–१ बस्ने १८ वर्षीय सुनिल यादवलाई चेकजाँच गर्दा लागूऔषध फेला पारेको हो ।

शरीरको कम्मर पेटीको भागमा लुकाइछिपाई ल्याएको लागूऔषध नाइट्राभेट १० पत्तामा ३०० ट्याब्लेट फेला परेकाले लागूऔषध बरामद गरी यादवलाई पक्राउ गरेर पर्सा जिल्ला अदालतबाट ३ दिन थुनामा राख्ने अनुमति लिई थप अनुसन्धान भइरहेको प्रहरी प्रवक्ता प्रहरी नायब उपरीक्षक दिपक गिरीले जानकारी दिए ।