प्रतिनिधि सभा सदस्य रामहरि खतिवडाले शून्य समयको नाम परिवर्तनगरी मन्त्रीले सुन्ने समय राख्न माग गरेका छन् । मंगलवार प्रतिनिधि सभा बैठकको शून्य समयमा बोल्दै सांसद खतिवडाले यसलाई  नामाकरण परिवर्तनगरी मन्त्रीले सुन्ने समय राख्न माग गरेका हुन् ।

‘शून्य समयलाई जिरो समयका रूपमा होइन नामाकरण परिवर्तन गरियोस् र मन्त्रीले सुन्ने समय भन्ने राखियोस्,' व्यंग्यात्मक शैलीमा उनले भने, 'नत्र यो जिरो नै हुने भयो । यसमा सबैको ध्यान जाओस् ।' 

उनले संसदीय सुनुवाइ समिति बनाएर प्रधानन्यायाधीश नियुक्तिको प्रक्रिया प्रारम्भ गर्नसमेत माग गरे ।