उदयपुरमा १७ वर्षीया किशोरीलाई जबरजस्ती करणी गरेको आरोपमा एक जना पक्राउ परेका छन् । 

पक्राउ पर्नेमा बेलका नगरपालिका ६ सालबोटे बस्ने २३ वर्षीय पूर्णबहादुर मगर रहेका छन् । उनलाई प्रहरीले मंगलवार दिउँसो पक्राउ गरेको हो ।

प्रहरीका अनुसार ती किशोरीलाई गत शुक्रवार राति जबरजस्ती करणी गरेको भन्ने उजुरीको आधारमा इलाका प्रहरी कार्यालय रामपुर ठोक्सिलाबाट खटिएको प्रहरीले मगरलाई पक्राउ गरेको हो ।

थप अनुसन्धान भइरहेको प्रहरीले जनाएको छ ।