नेपाली कांग्रेसका सांसद डा. चन्द्र भण्डारीले ग्याँस र बिजुलीजस्ता विषयबस्तु विद्यालय तहकै पाठ्यक्रममा समावेश गर्नुपर्ने बताएका छन् । 

ग्यास सिलिण्डर विस्फोटमा परी घाइते भएका भण्डारीले तीन महिनापछि बुधवार संसदमा सम्बोधन गर्दै गाउँगाउँमा ग्याँस र बिजुली पुगे पनि त्यसबारे जान्न नपाएको बताए । ‘जलन केश देशभरी फैलिएको छ । हामीले विज्ञानको विकास गर्‍यौँ। गाउँगाउँमा ग्याँस र बिजुली पुग्यो, बस पुग्यो,' उनले भने, 'तर के गर्नु हुन्छ, के गर्नु हुँदैन ? भनेर पाठ्यपुस्तकमा पनि राख्न सकेनौं । हाम्रा विज्ञ र पाठयक्रम निर्माताहरूलाई यसबारे ध्यान भएन ।  ध्यान दिउन् । विश्वका बच्चाहरूले यसबारे जान्न र पढ्न पाउँछन् । हाम्रा सात वर्षका बच्चाले त जान्न पर्‍यो नि ।'

जलनका बिरामीहरूलाई पनि क्यान्सर रोग सरहनै आर्थिक सहयोग उपलब्ध गराउन सरकारसँग माग गरेका छन् । 

क्यान्सरजस्तै जलनका बिरामीलाई पनि आर्थिक सहायता उपलब्ध गराउनुपर्ने माग गर्नुभयो ।

नेपालमा सरकारले जलन अस्पताल स्थापना गरे त्यो एसियाकै सबल हुने उनको दाबी छ । भण्डारीले कीर्तिपुर वर्न अस्पताल र सुष्मा मेमोरियल अस्पतालको भवन बनाउन पनि सरकारको ध्यानाकर्षण गराए । 

ग्याँसमा स्वचालित रेगुलेटर राख्नुपर्ने व्यवस्था अनिवार्य हुनेगरी कानुन निर्माण गर्न उनले सचेत गराए ।