रुकुम पश्चिममा जिप दुर्घटना हुँदा ४ जनाको मृत्यु भएको छ । अन्य १० जना घाइते भएका छन् ।

जिल्लाको बाँफिकोट गाउँपालिका–८ दुलीमा बिहीवार बिहान लु १ ज १७४७ नम्बरको जिप दुर्घटनामा परेको कर्णाली प्रदेशका प्रहरी प्रवक्ता एसएसपी गोपालचन्द्र भट्टराईले जानकारी दिए ।

सानीभेरी गाउँपालिका–३ घ्युढुंगाबाट मुसीकोटका लागि छुटेको जिप दुर्घटनामा सानीभेरी ५ का कर्णे बाठा, देउचन खत्री, बाँफीकोट ८ की रेखा खत्री र उनको सानो छोराको मृत्यु भएको जिल्ला प्रहरी कार्यालय रुकुम पश्चिमले जनाएको छ ।

घाइतेमध्ये ५ जनाको अवस्था गम्भीर रहेकाले उपचारका लागि हेलिकप्टरमार्फत अन्यत्र लैजाने तयारी भइरहेको छ।