साउन ६, २०७८
मकवानपुरको मनहरि गाउँपालिका–८ हेटौंडा–नारायगढ सडकखण्डको सिमपानीमा रोकिराखेको एक ट्रकमा अवैधरूपमा ल्याइएको लागूपदार्थ गाँजा फेला परेपछि ट्रकसहित चालकलाई स्थानीय प्रहरीले नियन्त्रणमा लिएको छ...
जेठ ११, २०८०
नक्कली शरणार्थी प्रकरणमा तत्कालीन गृहसचिव टेकनारायण पाण्डेले ८ महिनाको अवधिमा मात्रै आफ्ना विभिन्न बैंक खाताहरूमा ८४ लाख ९५ हजार रुपैयाँ जम्मा गरेको खुलेको छ ।
प्रतिवादी केशवप्रसाद दुलालले तत्कालीन गृहसचिव पाण्डेलाई बुझाएको १ करोड २४ लाख ५० हजार नगदमध्ये पाण्डेले ८ महिनाको अवधिमा ८४ लाख ९४ हजार रुपैयाँ आफ्नो खातामा जम्मा गरेको पाइएको हो ।
पाण्डेले २०७८ मंसिर २ गतेदेखि २०७९ जेठ २३ गतेसम्म ८ महिनाको अवधिमा आफ्नो सञ्चय कोष, नागरिक लगानी कोष र हिमालयन बैंकको खातामा ८४ लाख ९४ हजार ९८ रुपैयाँ जम्मा गरेको पाइएको हो ।
पाण्डेले आफ्नो व्यक्तिगत सुरक्षा गार्ड (पीएसओ) प्रहरी वरिष्ठ नायब निरीक्षक धर्मराज शाहीमार्फत आफ्ना ती खातामा रकम जम्मा गराएको बैंक भौचर सहितका कागजात प्रहरीले प्रमाणका रूपमा पेश गरेको छ ।
२०७८ मंसिर २२ गते एभरेष्ट बैंकमा २ लाख नगद, सन् २०२१ डिसेम्बर ९ तारेखमा हिमालय बैंक लिमिटेडमा ९ लाख ४० हजार ६४२ रुपैयाँ नगद जम्मा गरेका थिए ।
त्यसैगरी २०७८ फागुन ११ गते पाण्डेले एभरेष्ट बैंकमा २१ लाख ५० हजार नगद, २०७८ फागुन २३ गते एभरेष्ट बैंकमा ५७ हजार ४५३ रुपैयाँ, २०७८ फागुन २६ गते हिमालय बैंक लिमिटेडमा १२ लाख ३ हजार ८३२ रुपैयाँ नगद जम्मा गरेका थिए ।
त्यसैगरी २०७८ मंसिर १५ गते एभरेष्ट बैंकमा पीएसओको नाममा काटिएको चेकमार्फत ४ लाख रुपैयाँ, २०७९ जेठ २३ गते एभरेष्ट बैंकमा १५ लाख नगद, सन २०२१ चैत ५ गते एभरेष्ट बैंकमा चेकमार्फत ४ लाख २७ हजार १७० रुपैयाँ जम्मा गरेका थिए ।
त्यसैगरी २०७८ मंसिर २ गते ४५ हजार नगद एकपटक र सोही दिन ४ लाख ५५ हजार नगद अर्कोपटक अनि सन् २०२२ जुलाई ११ तारिखमा एभरेष्ट बैंकमा १० हजार नगद जम्मा गरेका थिए ।
पाण्डेले जम्मा गराएको रकम विवरण:
पाण्डेले आफ्ना पीएसओको नाममा चेक काटेर तथा नगद नै पठाएर विभिन्न बैंक खातामा जम्मा गर्न लगाएको भौचरसहितको प्रमाण नै अभियोगपत्रमा पेश गरिएको छ ।
पाण्डेले पक्राउ पर्नुअघि आफ्नो निजी मोबाइलमा भएका विवरणहरू मेटाउने उद्देश्यले फर्म्याट गरेका थिए । पक्राउ परेपछि प्रहरी हिरासतबाट नै पाण्डेले प्रधानमन्त्री समेतलाई भनेर अन्य प्रतिवादीहरूको इन्कारी बयान गर्न लगाउनू भन्ने लिखित सूचनाहरू पूर्वगृहमन्त्री समेत रहेका बालकृष्ण खाँणलाई पठाएका थिए ।
पाण्डे गृह मन्त्रालयमा सचिव नियुक्त भएलगत्तै प्रहरी वरिष्ठ नायब निरीक्षक धर्मराज शाहीलाई प्रहरी प्रधान कार्यालयले पीएसओको रूपमा खटाएको थियो ।
शाही र पाण्डेबीच सोही अवधिमा निकटको सम्बन्ध बनेको थियो ।
'पाण्डेले मलाई विभिन्न मितिमा निजको कार्यकक्षमा बोलाई आफू व्यस्त भएकाले मेरो व्यक्तिगत बैंक खातामा रकम जम्मा गरी आउनू भनी पठाउने गर्नुभएकाले गृहसचिवको आदेशबमोजिम निजले भने अनुसार निजको विभिन्न बैंक खाताहरूमा विभिन्न मितिमा मेरो नामबाट सम्बन्धित बैंकहरूमा गई रकम जम्मा गरेको भौचर निजलाई भेटी दिने गरेको थिएँ,' शाहीले गरेको बयानमा उल्लेख छ ।
त्यसबाहेक पाण्डेले अर्को पीएसओका रूपमा केही समय काम गरेका प्रहरी सहायक निरीक्षक ज्ञानेन्द्र पन्तमार्फत पनि १ पटक रकम जम्मा गर्न लगाएको बयान दिएका छन् ।
'मलाई निज पाण्डेले १ पटक रकम जम्मा गर्न लगाएका थिए । लामो समय भएकाले रकम, मिति र बैंकको नाम याद भएन,' पन्तले गरेको बयानमा उल्लेख छ ।
त्यसैगरी पाण्डेले आफ्ना निजी सवारी चालक शहदेव नेत्रविक्रम कैतीमार्फत समेत विभिन्न समयमा सञ्चयकोषको ऋण सापटीबापतको रकम जम्मा गर्न नगद दिई पठाएको बयान गरेका छन् ।
मकवानपुरको मनहरि गाउँपालिका–८ हेटौंडा–नारायगढ सडकखण्डको सिमपानीमा रोकिराखेको एक ट्रकमा अवैधरूपमा ल्याइएको लागूपदार्थ गाँजा फेला परेपछि ट्रकसहित चालकलाई स्थानीय प्रहरीले नियन्त्रणमा लिएको छ...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
मोरङमा २२ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा ग्रामथान गाउँपालिका १ लखनतरी टावर चोकका १८ वर्षीय किशोर रहेका छन् । उनलाई शुक्रवार दिउँसो पक्राउ गरिएको प्र...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
नेपाल प्रहरीको साइबर ब्युरोले सामाजिक सञ्जाल (टिकटक र फेसबूक)को दुरुपयोग गरी चरित्रहत्या गर्ने एक जनालाई बिहीव्ँरु पक्राउ गरेको छ । पक्राउ पर्नेमा सिराहा, लहान नगरपालिका स्थायी घर भइ हाल काठमाडौं बस्ने ३६ व...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...