सभामुख देवराज घिमिरेले पशुपतिनाथको जलहरीमा भ्रष्टाचार भएको अभिव्यक्ति संसद्को रेकर्डबाट हटाउन निर्देशन दिएका छन् ।​

शनिवारको बैठकमा सभामुख घिमिरेले माओवादी केन्द्रका सांसद लेखनाथ दाहालको भनाइ संसद्‍को रेकर्डबाट हटाउन सचिवालयलाई निर्देशन दिएका हुन् ।

यही जेठ १० गते सरकारको नीति तथा कार्यक्रममाथिको छलफलमा भाग लिने क्रममा सांसद दाहालले स्वास्थ्य सामग्रीको दुई अर्ब र पशुपतिनाथको जलहरी लगाउँदा सुन भनेर पित्तल लगाएर गरेको भ्रष्टाचार गरेको अभिव्यक्ति दिएका थिए ।

आजको बैठकको शुरुमा बोल्दै प्रधानमन्त्री पुष्पकमल दाहाल ‘प्रचण्ड’ले पशुपतिनाथ मन्दिरमा रहेको जलहरीका विषयमा अख्तियार दुरुपयोग अनुसन्धान आयोगले छानबिन गरिरहेकाले प्रमुख प्रतिपक्षी दलका नेतालाई जोड्नु उचित नभएको बताएका थिए ।