​राप्रपा सांसद बुद्धिमान तामाङले प्रदेश संरचना सेतो हात्ती भएको भन्दै सबै मिलेर बिदा गर्नुपर्ने बताएका छन् । 

सरकारको नीति तथा कार्यक्रममाथिको छलफलमा भाग लिँदै तामाङले खर्च धान्न नसक्ने अवस्थामा रहँदा प्रदेश संरचना सहमतिमा बिदा गर्नुपर्ने बताएका हुन् ।

‘सरकारले दैनिक खर्च धान्न नसक्ने अवस्था छ । ऋण बढेर २१ खर्ब पुगेको छ । ऋण काटेर घिउ खाने होइन जिउ जोगाउन कोशिश गर्नुपर्छ’ तामाङले भने, ‘मितव्यिताले सार्वजनिक खर्चमा कटौटी हुँदैन । सेता हात्ती जस्तो खर्चिलो प्रदेश हामी सबैले बिदा गर्नुपर्छ ।’