अभिनेत्री अदिति बुढाथोकी नेपालसँगै भारतमा आफ्नो अभिनय यात्रामा सक्रिय छिन् । दोस्रो फिल्म ‘बाबरी’पछि अहिले भारतमै रहेकी अदितिले म्युजिक भिडियोसँगै वेब सिरिजहरुमा व्यस्त भइरहेकी छिन् । 

यस्तैमा, म्युजिक वेब सिरिज सिजन १ मा अदिति मुख्य अभिनेत्रीको रुपमा काम गरिरहेकी छिन् । नितिन गावडेले निर्देशन गर्ने ‘म्युजिक वेब सिरिज’मा अदितिले सिजन १ देखी सिजन ३ सम्म काम गर्ने भएकी छिन् । अमेजन प्राइमबाट रिलिज हुने वेब सिरिजको सिनेमाटोग्राफर बिनोद प्रधान रहेका छन् । अदिति अहिले यही वेब सिरिजको सुटिङमा व्यस्त भइरहेकी छिन् । 

यता नेपालमा भने अदितिको होम प्रोडक्सन ‘बाबरी प्रोडक्सन’बाट नयाँ फिल्म निर्माणको तयारी पनि तीव्र रुपमा भइरहेको छ । ‘बाबरी’ रिलिज नहुँदै निर्मात्री पुष्पलता बुढाथोकीले नयाँ अनटाइटल फिल्मको घोषणा गरेकी थिइन् । सो अनटाइटल फिल्ममा मुख्य कलाकारको रुपमा ‘बाबरी’कै कलाकारहरू धिरज र अदिति फाइनल भएका थिए । 

अनटाइटल फिल्मको घोषणा पनि धिरज र अदितिकै क्रेजलाई लिएर गरिएको थियो ।