×

मोरङका छोटी भन्सारको बेहाल : संकलित राजस्वले कर्मचारी पाल्न पनि पुग्दैन

विराटनगर भन्सारलाई पनि लक्ष्य भेट्न दैनिक ५१ करोड राजस्व संकलन गर्नुपर्ने अवस्था

जेठ १४, २०८०

तस्वीरमा विराटनगर भन्सार कार्यालय

मोरङका छोटी भन्सार कार्यालयहरूको आम्दानीभन्दा खर्च बढी हुने गरेको पाइएको छ । 

स्थापना भएका कुल ९ छोटी भन्सारमध्ये ६ वटा बन्द भइसकेका छन् । सञ्चालनमा रहेका ३ मध्ये पनि एउटाले मात्र राजस्व संकलन गर्ने गरेको छ ।


Advertisment

भारतसँग मोरङको ६३ किलोमिटर सीमा छ । यही बीचमा स–साना नाकालाई समेट्ने गरी छोटी भन्सार कार्यालयहरू स्थापना भएको थियो । तर, सञ्चालन खर्च पनि धान्न नसकेको भन्दै छोटी भन्सारहरू धमाधम बन्द भएका हुन् ।


Advertisment

थोरबहुत राजस्व संकलन गरिरहेको मायागञ्ज भन्सार कार्यालयले गत वर्ष जम्मा ८ लाख ३२ हजार १० रुपैयाँ संकलन गरेको थियो । चालू आवको चैत मसान्तसम्ममा १३ लाख ८७ हजार ७१८ रुपैयाँ संकलन भएको विराटनगर भन्सार कार्यालयका सूचना अधिकारी परशुराम दाहालले बताए । 

उक्त छोटी भन्सारमा एक नायब सुब्बा र दुई सहयोगी बस्ने गरेका छन् ।

‘कर्मचारीलाई तलब दिन समेत पुग्ने अवस्था छैन,’ विराटनगर भन्सार कार्यालयका एक अधिकृतले भने, ‘न सरकारले थप केही निर्णय गर्छ, न त राजस्व संकलन नै हुन्छ । ’

सञ्चालनमै रहेका रंगेली र डाइनिया छोटी भन्सारबाट राजस्व संकलन हुँदैन । यी कार्यालयमा २/२ जना कर्मचारी बस्ने गरेका छन् । 

कोरोना संक्रमणकालदेखि यी कार्यालयहरूबाट राजस्व संकलन गर्न छाडिएको दाहालले बताए ।

अवैध व्यापार नियन्त्रण तथा वैध व्यापारमा सहजीकरण गर्ने उद्देश्यले छोटी भन्सारको स्थापना गरिएको थियो । जहदा गाउँपालिकाको मधुमल्ला, धनपालथान गाउँपालिका मझारेस्थित तरिगा, रतुवामाई नगरपालिकाको चुनिबारी र चौकीघाट छोटी भन्सार २०५३ सालदेखि बन्द छन् । 

तत्कालीन जनयुद्धमा सुरक्षाको कारण देखाउँदै बन्द भएका यी छोटी भन्सार पुन सञ्चालनमा आउन सकेका छैनन् । यी कार्यालयहरू प्रहरीले संरक्षण गर्दै आइरहेको छ ।

छोटी भन्सार बन्द भएपछि खुला सीमाको फाइदा उठाउँदै चोरी निकासी समेत बढ्ने गरेको कर्मचारीहरू बताउँछन् । ‘छोटी भन्सार बन्द भएपछि अहिले प्रशासनसँगकै मिलेमतोमा दैनिक लाखौं रुपैयाँको सामग्री भित्रिने गरेको छ,’ एक कर्मचारीले भने ।

प्रतिव्यक्ति वा फर्मले १५ हजार रुपैयाँसम्मको सामान ल्याउँदा छोटी भन्सारले राजस्व लिने गरेको थियो । छोटी भन्सारको राजस्वको लक्ष्य भने हुँदैन ।

छोटी भन्सार बन्द भएपछि खुला सीमाबाट चोरी निकासीकर्ताले फाइदा लिने गरेका छन् ।

कोशी प्रदेशमा भारत तथा चीनका नाका लक्षित विभिन्न सातवटा भन्सार कार्यालय छन् । 

इलामको पशुपतिनगर, ताप्लेजुङको ओलाङचुङगोला, संखुवासभाको किमाथाङ्का, सुनसरीको सुनसरी, मोरङको विराटनगर, झापाका मेची र भद्रपुर भन्सार कार्यालय सञ्चालनमा छन् ।

राजस्व संकलनका हिसाबले मेची र विराटनगर भन्सार अगाडि छन् । तर, पनि चालू आवमा भने यी भन्सारहरूले लक्ष्यको आधा राजस्व पनि संकलन गर्न सकेका छैनन् ।

चालू आर्थिक वर्षमा ६० अर्ब ३ करोड ५२ लाख २४ हजार रुपैयाँ राजस्व संकलनको लक्ष्य लिएको विराटनगर भन्सार कार्यालयले १० महिनाको अवधिमा जम्मा २७ अर्ब ६६ करोड मात्रै राजस्व संकलन गरेको छ । ‘लक्ष्यअनुसार अहिलेसम्म ५० अर्ब उठ्नुपर्थ्यो । लक्ष्य भेट्ने हो भने अब दैनिक ५१ करोडका दरले राजस्व उठाउनुपर्छ, जुन सम्भव छैन’, सूचना अधिकारी परशुराम दाहालले भने ।

विराटनगर भन्सार कार्यालयले विगत ४ वर्षदेखि नै लक्ष्यअनुसार राजस्व संकलन गर्न सकेको छैन ।

कोभिडका कारण नाका बन्द भएको आर्थिक वर्ष २०७६/०७७ मा ४९ अर्ब ६४ करोड ६० लाख ४६ हजार राजस्व संकलन गर्ने लक्ष्य लिएको थियो । त्यति बेला ५८ दशमलव ४२ प्रतिशत अर्थात २९ अर्ब ३१ लाख ३५ हजार रुपैयाँ राजस्व संकलन भएको थियो ।

आर्थिक वर्ष २०७७/०७८ मा ४० अर्ब ८१ करोड ९० लाख १३ हजार असुली भएको थियो । उक्त वर्ष लक्ष भने ४६ अर्ब १४ करोड ९८ लाख ८९ हजार रुपैयाँ थियो ।

आर्थिक वर्ष २०७८/०७९ मा ४९ अर्ब ६५ करोड ९५ लाख ४ हजार रुपैयाँ लक्ष्य राखेको कार्यालयले असुली भने त्यसको ८१ दशमलव ४१ प्रतिशत अर्थात ४० अर्ब ४२ करोड ७७ लाख ७९ हजार राजस्व संकलन गरेको थियो ।

फागुन २९, २०८०

एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...

बैशाख २०, २०८१

काठमाडौंको चण्डोल घर भएका कामोद ढुंगाना २०८० असार ३१ गते वुलिङ एयरको विद्युतीय गाडी (ईभी) किन्न नयाँ बानेश्वरस्थित बज्र ग्रुपको इभी-नेपाल मोटर्स प्रालि पुगेका थिए । अंकित मूल्य (एमआरपी) ३० लाख ९९ हजार रुप...

मंसिर ४, २०८०

कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...

जेठ १, २०८१

निजी क्षेत्रका उद्योगी तथा व्यवसायीको छाता संस्था नेपाल चेम्बर अफ कमर्सले नेपालमा लगानी गर्न पोल्याण्डलाई आग्रह गरेको छ । नेपाल र पोल्याण्डबीचको कूटनीतिक सम्बन्ध ६५ वर्ष पुगेको अवसरमा नेपाल चेम्बर अफ कमर्स र नेपा...

चैत २७, २०८०

यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...

जेठ १५, २०८१

सरकारले आर्थिक वर्ष २०८१–८२ को बजेटका ५ विषयलाई प्राथमिकतामा राखेको छ ।  अर्थमन्त्री वर्षमान पुनले आज (मंगलवार) संघीय संसदमा बजेट आव २०८१–८२ को बजेट प्रस्तुत गर्दै ५ प्राथमिकता सार्वजनिक गर...

भगवान् भेटिने सूत्र

भगवान् भेटिने सूत्र

असार २९, २०८१

भगवान्‌का कुरा गर्ने धेरै छन् तर भगवान् कस्ता हुन्छन् त्यो भने कसैलाई पनि थाहा छैन । भगवान् कस्ता हुन्छन् भनेर सोध्ने हो भने शायद सबै निरुत्तर नै रहने छन् । हदैभए भगवान् भगवान्जस्तै हुन्छन् भन्नेसम्म फेला पर्ला...

देश पहिले, अनि मात्र सत्ता

देश पहिले, अनि मात्र सत्ता

असार २७, २०८१

बेलायतमा भर्खरै सम्पन्न संसदीय निर्वाचनमा १४ वर्षपछि लेबर पार्टीले तल्लो सदन अर्थात्  'हाउस अफ कमन्स्'मा प्रचण्ड बहुमत हासिल गर्‍यो । ६५० सदस्यीय तल्लो सदनमा लेबर पार्टीले करिब ६३ प्रतिशत अर्थात् ४१२ ...

प्रतिपक्षमा हुत्तिने भएपछि माओवादीमा देखिएको छटपटी र आत्मरति

प्रतिपक्षमा हुत्तिने भएपछि माओवादीमा देखिएको छटपटी र आत्मरति

असार २६, २०८१

प्रमुख सत्ता साझेदार नेकपा (एमाले)ले साथ छोडेपछि प्रधानमन्त्री पुष्पकमल दाहाल ‘प्रचण्ड’ले दुई दिनपछि (असार २८) प्रतिनिधि सभामा विश्वासको मतको सामना गर्दैछन् । ‘विश्वासको मत नपाउने जान्दाजा...

x