ट्रकले स्कुटरलाई ठक्कर दिँदा एक जनाको मृत्यु भएको छ ।

काठमाडौं महानगरपालिका १४ कलंकीमा सु.प.प्रदेश ०१–००१ ख २९४१
नम्बरको ट्रकले बा.प्र.०२–००४ प ४७०३ नम्बरको स्कुटरलाई आइतवार दिउँसो ठक्कर दिएको थयो ।

दुर्घटनामा घाइते भएकी तनहुँ घर भई काठमाडौं चन्द्रागिरि नगरपालिका–१४ नैकाप बस्ने ६४ वर्षीया सन्तुमाया राउतको उपचारको क्रममा वीर अस्पतालमा मृत्यु भएको हो ।

दुर्घटनामा घाइते भएकी स्कुटर चालकको शहीद मेमोरियल अस्पतालमा उपचार भइरहेको छ । 

ट्रक चालकलाई नियन्त्रणमा लिएर थप अनुसन्धान भइरहेको प्रहरीले जनाएको छ ।