नागरिक उन्मुक्ति पार्टीका संरक्षक रेशम चौधरीले टिकापुर घटनाको पुनः निष्पक्ष र न्यायोचित छानबिन हुनुपर्ने प्रतिक्रिया दिएका छन् । 
सोमबार बिहान डिल्लीबजार कारागारबाट रिहा भएसँगै चौधरीले टिकापुर घटनाको निष्पक्ष छानबिनका लागि पुनः प्रक्रिया सुरु गर्नुपर्ने प्रतिक्रिया दिएका हुन् । 

उनले टिकापुर घटना विशुद्ध राजनीतिक घटना भएको पनि बताए ।  यो राजनीतिक घटनालाई नेपालका राजनीतिक दलहरूले चिन्न ढिला गरेको समेत उनको भनाइ थियो । 
राष्ट्रपति रामचन्द्र पौडेलले आममाफीको निर्णय लिएसँगै चौधरी रिहा भएका हुन् । यद्यपि उनलाई टिकापुर घटनामा दोषी ठहर गर्दै अदालतले जन्मकैदको सजाय सुनाएको थियो ।