×

ऋणमा किनेका चिनियाँ जहाज निगमलाई बोझ, ५ वर्षमा १ अर्ब ९० करोड डुबेपछि सधैँलाई ग्राउण्डेड

काठमाडाैं | जेठ १६, २०८०

​​नेपाल वायुसेवा निगमले पाँच वटा जहाज ग्राउण्डेड गरेको छ ।

ऋणमा किनेका चिनियाँ जहाज सञ्चानको पाँच वर्षमा १ अर्ब ९० करोड डुबेपछि सधैँलाई ग्राउण्डेड गर्ने (नउडाउने) निर्णय गरिएको निगमले बताएको छ ।


Advertisment

संसदमा चिनियाँ जहाजका विषयमा प्रश्न उठेपछि निगमले ती जहाज उडाएर नाफा कमाउन नसक्ने निष्कर्षसहित २ वटा एमए ६० र ३ वटा वाई १२ नामक चिनियाँ जहाज १५ साउन २०७७ देखि नउडाउने निर्णयमा पुगेको हो ।


Advertisment

निगमद्वारा विभिन्न समयमा गठित अध्ययन समितिहरूको सिफारिसको आधारमा उक्त जहाजहरू सञ्चालन गर्न प्राविधिक, व्यावसायिक र आर्थिकरूपमा अनुपयुक्त भएको, बीमा खर्च तथा इन्धन खपत अत्यधिक रहेको निष्कर्ष निकालिएको थियो ।

आर्थिक वर्ष २०७१/०७२ देखि २०७५/०७६ सम्म जहाजहरू संचालनमा रहँदा पछिल्लो समय वार्षिक ७७ करोड ७४ लाख १० हजार १४३ रूपैयाँ घाटा भएको थियो । 

यो अवधिसम्ममा कुल घाटा १ अर्ब ९० करोड ६९ लाख ३३ हजार ११४ रूपैयाँ भएको निगमले जनाएको छ ।

थप समय सञ्चालन मै राखिरहँदा निगमलाई आर्थिक बोझको रूपमा दायित्व थप हुँदै गएको र विभिन्न प्राविधिक कठिनाइ समेत बढ्ने देखिएपछि जहाज नउडाउने निर्णयमा निगम पुगेको हो । निगमले सोमवार एक प्रेस विज्ञप्ति नै जारी गरेर यसबारे जानकारी दिएको छ ।

तत्कालीन मन्त्री योगेशकुमार भट्टराईको कार्यकालमा मिति २०७७ असार १६ मा निगमका तत्कालीन कार्यकारी अध्यक्ष सुशील घिमिरेको अध्यक्षतामा बसेको निगम सञ्चालक समितिको बैठकले उक्त जहाजहरू मिति २०७७ साउन १५ देखि सञ्चालनमा नल्याउने निर्णय गरेको निगमले जनाएको छ ।

तत्पश्चात् उक्त जहाजहरूलाई व्यवस्थापन गर्ने सम्बन्धमा विभिन्न विकल्पसहित तत्कालीन महाप्रवन्धक डिमप्रकाश पौडेलद्वारा गरिएको पत्राचारअनुसार नेपाल सरकार, अर्थ मन्त्रालयको मिति २०७७ चैत ४ को निर्णय बमोजिम लिजमा दिन वा बिक्री प्रक्रिया अगाडि बढाउनका लागि २०७७ चैत १२ गते संस्कृति, पर्यटन तथा नागरिक उड्डयन मन्त्रालयमार्फत निर्देशन भएको थियो । 

यसै बीचमा निगमको नेतृत्व वर्तमान व्यवस्थापनले सम्हाले पश्चात् ती जहाजलाई मर्मत गरी सञ्चालन गर्न सकिन्छ कि भनेर मिति २०७८ कात्तिक २२ गते एक उप–समिति गठन गरी अध्ययन प्रक्रिया अगाडि बढाएको छ ।

सरकारको निर्णय एवं निगमको सञ्चालक समितिको मिति २०७९ भदौ २३ को निर्णय बमोजिम उक्त जहाजहरू लिजमा दिन प्रक्रिया अगाडि बढाएको भए पनि भाडामा जान सकेको थिएन ।

निगमले २०७९ भदौ २९ गते नियम अनुसार ४५ दिनको र मिति २०७९ कात्तिक १६ मा पुनः १५ दिनको सार्वजनिक सूचना जारी गरेको थियो । दुबै पटक कुनै पनि आवेदन नपरेपछि सरकारको निर्णयअनुसार उक्त जहाजहरू बिक्री प्रक्रिया अगाडि बढाउनको लागि जहाज मूल्याङ्कनको प्रक्रिया अन्तिम चरणमा पुगेको छ ।

यी जहाजहरूको व्यवस्थापन गर्ने सन्दर्भमा निगमको सञ्चालक समितिको निर्णय एवं तालुकदार मन्त्रालयको समन्वयमा अगाडि बढाउने जानकारी पनि निगमले दिएको छ ।

मंसिर ४, २०८०

कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...

जेठ ४, २०८१

बैंकमा निक्षेप थुप्रिएको भए पनि कर्जा विस्तार हुन नसकेको अवस्थालाई सम्बोधन गर्ने गरी राष्ट्र बैंकले मौद्रिक नीतिको तेस्रो त्रैमासिक समीक्षा गरेको छ । शुक्रबार तेस्रो समीक्षा सार्वजनिक गर्दै राष्ट्र बैंकले ब्याजदर कर...

जेठ १, २०८१

निजी क्षेत्रका उद्योगी तथा व्यवसायीको छाता संस्था नेपाल चेम्बर अफ कमर्सले नेपालमा लगानी गर्न पोल्याण्डलाई आग्रह गरेको छ । नेपाल र पोल्याण्डबीचको कूटनीतिक सम्बन्ध ६५ वर्ष पुगेको अवसरमा नेपाल चेम्बर अफ कमर्स र नेपा...

फागुन २९, २०८०

एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...

जेठ १५, २०८१

सरकारले आगामी वर्षका लागि १८ खर्ब ६० अर्ब रुपैयाँको बजेट विनियोजन गरेको छ । मंगलबार संसदमा आर्थिक वर्ष २०८१–८२ को बजेट प्रस्तुत गर्दै अर्थमन्त्री वर्षमान पुनले बजेटको आकार १८ खर्ब ६० अर्ब ३० करोड रहेको ...

बैशाख ३, २०८१

नेपाल विद्युत् प्राधिकरणका प्रबन्ध निर्देशक कुलमान घिसिङले विश्व बैंकको लगानी रहेको ढल्केबर सबस्टेसन निर्माणका क्रममा आफ्नो स्वार्थ जोडिएको कम्पनीलाई कानूनविपरीत ठेक्का दिएको पाइएको छ । करिब ४ करोड बराबरको...

भगवान् भेटिने सूत्र

भगवान् भेटिने सूत्र

असार २९, २०८१

भगवान्‌का कुरा गर्ने धेरै छन् तर भगवान् कस्ता हुन्छन् त्यो भने कसैलाई पनि थाहा छैन । भगवान् कस्ता हुन्छन् भनेर सोध्ने हो भने शायद सबै निरुत्तर नै रहने छन् । हदैभए भगवान् भगवान्जस्तै हुन्छन् भन्नेसम्म फेला पर्ला...

देश पहिले, अनि मात्र सत्ता

देश पहिले, अनि मात्र सत्ता

असार २७, २०८१

बेलायतमा भर्खरै सम्पन्न संसदीय निर्वाचनमा १४ वर्षपछि लेबर पार्टीले तल्लो सदन अर्थात्  'हाउस अफ कमन्स्'मा प्रचण्ड बहुमत हासिल गर्‍यो । ६५० सदस्यीय तल्लो सदनमा लेबर पार्टीले करिब ६३ प्रतिशत अर्थात् ४१२ ...

प्रतिपक्षमा हुत्तिने भएपछि माओवादीमा देखिएको छटपटी र आत्मरति

प्रतिपक्षमा हुत्तिने भएपछि माओवादीमा देखिएको छटपटी र आत्मरति

असार २६, २०८१

प्रमुख सत्ता साझेदार नेकपा (एमाले)ले साथ छोडेपछि प्रधानमन्त्री पुष्पकमल दाहाल ‘प्रचण्ड’ले दुई दिनपछि (असार २८) प्रतिनिधि सभामा विश्वासको मतको सामना गर्दैछन् । ‘विश्वासको मत नपाउने जान्दाजा...

x